1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Турција ќе го отвори прашањето за Македонија на НАТО самитот?

Турција преку претседателот на Големото национално собрание Џемил Чичек уште еднаш ја потврди поддршката за евроатланската ингеграција на Македонија. Грција стравува дека Македонија може да биде тема на НАТО самитот.

„Зачленувањето на Македонија во НАТО има некои пречки. Ја даваме нашата поддршка и ќе продолжиме во тој правец. Ние веруваме дека ова барање за зачленување на Македонија е многу праведно и дека тоа ќе биде придонес кон мирот и стабилноста на балканските простори“, изјави Чичек за време на посетата на Македонија.

Türkisches Parlament - Justizminister Cicek

Претседателот на туркиот парламент Џемил Чичек

Одговарајќи на новинарско прашање дали Турција ќе го отвори прашањето за Македонија на самитот во Чикаго, тој рече дека претседателите на двете земји ќе бидат таму, ќе се сретнат и ќе го направат тоа што треба.

„Ние сме земја со политичка волја и одлучни во тоа да ги развиваме сестрано односите со Република Македонија“, изјави Чичек.

Во исто време со посетата на Чичек на Македонија грчкиот весник То Вима објави текст во кој тврди дека грчката дипломатија кренала тревога по најавите од Турција и други членки на Алијансата дека ќе извршат притисок во Чикаго, иако прашањето на проширувањето на НАТО и приемот на Македонија не се на агендата на самитот во Чикаго.

Griechenland Finanzkrise Presse Deutschland Attacke auf Wolfgang Schäuble

То Вима пишува за стравувањата на грчките дипломати

Според весникот, причина за загриженост на грчката дипломатија се барањата на Турција на самитот во Чикаго да се дискутира за пресудата на Меѓународниот суд на правдата во Хаг, кој пресуди дека Грција противправно ставила вето на македонскиот прием во НАТО на самитот во Букурешт во 2008-ма година.

То Вима ги наведува и Словенија, Хрватска, Норвешка и Британија како земји кои ја поддржуваат турската позиција и бараат со приемот на Македонија во НАТО да се засили безбедноста во регионот. Весникот додава дека Турција извршила влијание во Чикаго да се организира посебна средба на четирите земји кандидати: Македонија, Црна Гора, Босна и Херцеговина и Грузија, со 28-те држави членки.

Сепак, То Вима цитира дипломатски извори дека Атина не очекува изненадувања на самитот во Чикаго, особено откако американски претставници и генералниот секретар на НАТО Андерс Фог Расмусен потсетија дека приемот на Македонија во НАТО мора да биде со консензус на сите земји членки.