1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Тупурковски тврди: пресудата е одмазда

Васил Тупурковски денеска на прес конференција ја изнесе својата вистина за „Тајванската милијарда“, откако во понеделникот беше осуден поради овој случај на три години затвор.

default

Професорот и екс-политичар ја одрекува вината-Тупурковски

„Судската пресуда во која јас сум обвинет за злоупотреба на службената должност е одмазда. Во Македонија се‘ уште функционираат методите на инквизиција. “

Ова денеска во Скопје на конференција за новинарите го изјави Васил Тупурковски, кој во понеделникот беше осуден на три години затвор за злоупотреба на службената должност при делењето на кредитите од Тајван, како директор на Агенцијата за обнова и развој во 1999 година. Судот досуди и конфискација на неговиот имот во вредност од два милиони евра.

Во корист на неговата невиност неодамна сведочеше и Љубчо Георгиевски, кој во тоа време беше премиер и се согласи со авантурата Македонија да го признае Тајван, што го форсираше Тупурковски од тогашната партија Демократска алтернатива, а за возврат државата да добие една милијарда долари финансиска помош. Целата авантура заврши со прекин на дипломатските односи со Тајван и повторното воспоставување на политичките односи со Пекинг.

Со политичката кариера Тупурковски заврши практично во 2000 година, по неуспешниот обид да стане претседател на Македонија. Неодамна повторно беше избран за претседател на Македонскиот олимписки комитет.



Автор: Александар Чомовски

Редактор: Жана Ацеска