1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Тројца Германци киднапирани во Сирија

Тројца Германци, соработници на организацијата „Зелени шлемови“, се грабнати во Сирија. Министерството за надворешни работи го потврди инцидентот, а во меѓувреме е формиран и Кризен штаб.

Тројцата хуманитарци биле киднапирани уште во ноќта кон 15 мај во местото Харем во регионот Идлиб, соопшти на викендов организацијата „Зелени шлемови“ на својата интернет страница. Министерството за надворешни работи во Берлин вчера (29.06) потврд дека тројца германски државјани во Сирија се водат за исчезнати. Формиран е Кризен штаб, кој интензивно работи на наоѓање решение, соопшти портпарол.

Како што соопштуваат од „Зелени шлемови“, киднапирани се еден индустриски механичар, еден градежен техничар и еден 72-годишен инженер, кој во регионот пристигнал само неколку дена претходно. Повеќенеделните напори за ослободување на соработниците останаа безуспешни, соопшти организацијата, основана од Руперт Нојдек, основач на германската секција на Лекари без граници, Кап Анамур.

Во Сирија владее граѓанска војна, започната во март 2011 година со револтот против сирискиот претседател Башар ал-Асад. Според најновите информации на опозициската Опсерваторија за човекови права со седиште во Лондон, во граѓанскатавојна загинале веќе над 100 илјади луѓе.