Трајковски умееше „и со царот и со овчарот„ | Македонија | DW | 26.02.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Трајковски умееше „и со царот и со овчарот„

„Верувам во Македонија„ е документарец во чест на поранешниот македонски претседател. Беше промовиран синоќа на академијата со која почна одбележувањето на тригодишнината од смртта на Борис Трајковски.

Борис Трајковски

Борис Трајковски

Режисерот на филмот, „Верувам во Македонија„, Горан Тренчевски рече:

„Со овој филм покажавме дека навистина умееме да зборуваме за делата и пред се за личностите, покрај тоа што инспирацијата и самата иницијална каписла потекна од делото и мисијата на покојниот претседател, Борис Трајковски“.

На академијата освен македонскиот државен и црковен врв присуствуваа и странски политичари. Актуелниот претседател на Албанија, Алфред Мојсиу и поранешниот бугарски претседател, Петар Стојанов. Модераторот на акдемијата, Софија Гогова Врчаковска, рече: „Неговата едноставна големина беше да се умее “и со царот и со овчарот подеднакво“. Можеби бог го сакаже само за себе, оти му беше близок, за оттаму да ја пазат и чуваат Македонија обајцата.“

По академијата, семејството на Трајковски организираше вечера на заедништво и молитва на која со нивните гости, пријатели и колеги на поранешниот македонски претседател, евоцираа спомени и се сеќаваа на ликот и делото на Борис Трајковски.

Одбележувањето на годишнината од смртта на Трајковски продолжува со меѓународен лидерски форум во организација на фондацијата што го носи неговото име.