1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Тензии меѓу Србите и Албанците

Најмалку 20 лица се повредени во судир меѓу група Срби и припадници на косовската полиција на преминот Мердаре на границата меѓу Србија и Косово, јави Танјуг. Утрината е пукано и во Бујановац.

Според српското министерство за внатрешни работи информираше дека група од 54 Срби изутринава се упатиле на одбележување на празникот Видовден на Газиместан. Косовската полиција ја запрела групата во Вучитрн и побарала од нив да се вратат назад во Србија преку преминот Мердаре, каде и дошло до судирите. Лицата биле во два автобуси.

Во судирите, според српски извори, косовската полиција користела солзавец, гумени куршуми, но и боева муниција. Според извори во Здарвствениот дом во Куршимлија, еден од повредените има „тешки рани опасни по животот“ и е пренесен во Клиничкиот центар во Ниш. Истите извори тврдат дека во нивната медицинска установа им била укажана помош на 20 повредени лица, кои имале „рани од огнено оружје“. Едно лице рането со огнено оружје во пределот на ’рбетот е префрлено во болницата во Ниш, каде ќе му биде извршена комплицирана операција.

Косовскиот министер за внатрешни работи Бајрам Реџепи го потврди инцидентот, изјавувајќи дека полицијата вратила припадници на навивачката група Делии, кои, како што рече, „се познати националисти“. Агенцијата Бета информираше дека меѓу лицата имало и навивачи на Партизан од Србија. Приштинските медиуми јавија дека косовските полицајци биле нападнати со камења.

Grenze Kosovo Serbien

Инцидентот се случил на преминот Мердаре

„При инцидентот се повредени неколку полицајци. Главно се работи за повреди од удари од камења“, рече Реџепи, тврдејќи дека откако биле вратени, припадниците на групата почнале да ги каменуваат полицајците. Реџепи изјави дека при инцидентот „се слушнале и истрели од огнено оружје“, но, според него, тие доаѓале од правец на Србија.

Денеска е регистриран уште еден инцидент меѓу Косово и Србија. Повеќе напаѓачи утрово околу 4:20 пукале со пешадиско оружје кон пункт на мултиетничката полиција кај селото Добросин во општината Бујановац. Еден полицаец е полесно повреден, информираше портпаролот на полициската управа во Врање Драган Стаменковиќ. Тој рече дека нападот кој траел три до пет минути е извршен од правец на административната линија со Косово, од која полицискиот пункт е оддалечен стотина метри. Тогаш на пунктот бил редовниот состав на мултиетничката полиција, составен од српски и албански полицајци.