1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Тежок пат до приватна фирма во БиХ

Регистрација на фирма во БиХ трае околу 40 дена. Според оценката на меѓународните институции, процедурата е многу комплицирана и скапа, поради што земјата е на дното на европската скала за развиеност на бизнисот.

Иако при регистрацијата на фирмата се сретнал со низа непредвидени околности и проблеми на кои не можел да влијае, Мухамед Каровиќ од Сараево смета дека „не е тешко“ да се регистрира фирма во БиХ. Потсетува дека за основање на друштво со ограничена одговорност (Д.О.О.) потребен почетен капитал од околу 2.000 конвертибилни марки, документација и „многу добра волја и трпение“.

Укажувајќи на нелогичностите во процесот на регистрација, Каровиќ вели дека плаќањето на давачките почнува и пред завршувањето на целиот процес.

„Државата бара со датумот на издавањето на судското решение за основање на фирмата да се постави директор и да почнат да се плаќаат давачки, а дури врз основа на судското решение добиваме печат и останата документација потребна за завршување на процесот на регистрација“, вели Каровиќ.

Иако последниве години постапката за регистрација беше поедноставена, почнувањето приватен бизнис во земјата се' уште е комплицирано. Целиот процес, се' до конечното објавување во Службен весник, може да биде макотрпен. Тој е детално опишан во проектот на владата на Федерацијата на БиХ под име „Краток водич за претприемништво и начин на регистрација на

Muhamed Karovic Unternehmer aus Sarajevo

Мухамед Каровиќ

бизнис субјекти“, каде се препорачува регистрацијата на Д.о.о. да се препуши на адвокатски канцеларии.

Неодговорна администрација

„Процесот може дополнително да го искомплицира и неодговорната администрација“, вели Каровиќ, кому, на пример, му била впишана погрешна адреса.

„Му ја вратив документацијата на судот, а таму беше исправена грешката само на едно место. По три дена кога се вратив во судот ми рекоа дека судијката заминала на семинар, па морав да чекам уште 4-5 дена таа да се врати“.

Мухамед Каровиќ е еден од оние, кои и покрај проблемите, не се откажал од намерата со почнување сопствен бизнис да си ја креира судбината. Тоа е придонес за развојот на малото стопанство кое, според експертите, треба да биде темел за развој на земјата. Секако, доколку државата обезбеди услови за успешен развој.