1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Тачи и‘ заблагодари на ОВК за слободата на Албанците

Премиерите на Албанија и Косово учествуваа на централната прослава на Денот на албанското знаме која вчера (25.11) се одржа во Скопје.

Косовскиот премиер Хашим Тачи и‘ заблагодари на Ослободителната војска на Косово за нејзиниот придонес за „слободата на Албанците во Косово и во Македонија“. Тачи беше еден од гостите на вчерашната централна прослава на Денот на албанското знаме која се одржа во салата Борис Трајковски во Скопје. Покрај Тачи, на манифестацијата чиј домаќин беше лидерот на ДУИ, Али Ахмети, присуствуваше и албанскиот премиер Сали Бериша.

„Чудо се случи со волјата на Албанците кои ја создадоа ОВК и успеаја да ја отстранат Србија од Косово. ОВК е големо чудо на волјата на Албанците, без разлика каде тие се наоѓаат- во Македонија, Албанија, Косово или дијаспората“, рече Тачи.

Од име на македонската влада гостите во Скопје ги поздрави вицепремиерот Муса Џафери, кој изјави дека Скопје, Тирана и Приштина се едно.

„Ние ќе продолжиме да работиме заедно за да ги усогласиме нашите тежнеења кон ЕУ“, порача Џафери во говорот.