1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Талибанците гласаат со бомби

Парламентарните избори во Авганистан засега минуваат со најмалку 7 загинати по нападите на талибанците врз гласачките места. Властите во земјата тврдат дека изборите течат подобро од очекуваното

default

Авганистанци читаат заканувачка порака од талибанците пред гласачко место

Најмалку седум луѓе ги загубија животите во напади на талибанците од отворањето на гласачките места на парламентарните избори во Авганистан, а гувернерот на провинцијата Кандахар преживеа обид за атентат.

Талибанците и претходно најавуваа дека ќе сторат се за да го спречат нормалниот тек на изборите, а за свои главни цели ги определија силите за безбедност и лицата кои се директно вклучени во изборниот процес.

Најголемиот дел од жртвите досега се токму припадници на обезбедувањето на гласачки места и тоа на северот на земјата.

„Не знам што ќе сторат талибанците. Тие сакаат да ги спречат изборите. Се плашам дека би можеле да нападнат и со тешко вооружување“, вели Гулам Мухамад од Кундуз.

Северниот град Кундуз, на минатите избори, пред пет години, важеше за најбезбедно место во земјата. Но тоа веќе одамна не е случај, потврдува и гувернерот Мухамад Омар.

„Годинава дури не бевме ниту во состојба да им ја гарантираме безбедноста на гласачите. Делови од периферијата на градот се под целосна контрола на талибанците и Ал Каеда“, вели Омар.

Ризикот за граѓаните е преголем

Низ целата земја, затворени останаа околу 1.200 избирачки места. Полицијата вели дека ризикот за граѓаните е преголем, откако талибанците се заканија дека ќе го нападнат секој кој ќе излезе на изборите.

NO FLASH Wahlen in Afghanistan 2010

Претставник на изборната комисија во земјата соопшти дека 92 проценти од избирачките места биле отворени и оцени дека излезноста е многу добра, иако одби да ја прецизира.

Во таква ситуација се чинат банални и неправилностите кои досега се појавија на изборите. Набљудувачите, чиј број е околу 7.500, јавуваат за бројни случаи на повеќекратно гласање.

Нешто повеќе од 10,5 милиони авганистанци денеска треба да изберат 249 пратеници во Народното собрание.

автор: БГ/афп/дв

редактор: Симе Недевски