1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Супер време за Гугл

По кусиот период на слабост во текот на изминатото лето, американскиот интернет гигант Гугл си ја врати старата сила. Добивката на Гугл во 2012-та пораснала за 10 проценти, на 10,7 милијарди долари.

Благодарение на купувањето на производителот на смартфони Моторола и добриот божиќен бизнис, обртот на Гугл во изминатата година првпат ја премина границата од 50 милијарди долари. „Ова е неверојатно супер време да се биде во Гугл“, ги коментира шефот на концернот Лери Пејџ најновите податоци за добивката и обртот.

Гугл ја купи Моторола минатата година за 12,5 милијарди долари за да си го обезбеди скокот во бизнисот на мобилна телефонија. Новиот концерн-ќерка засега се‘ уште има загуби, но Андроид-системот на Гугл е водечки кај смартфоните. Сепак, главен извор на приходи за интернет гигантот е онлајн-маркетингот. Според податоците од САД, Гугл во оваа сфера за себе има резервирано 41 проценти од приходите.

Дали за Гугл и натаму ќе оди толку добро е прашање, зашто конкуренцијата не спие. Освен поврзувањето на Јаху и Мајкрософт, во делот на пребарувањето по интернет и Фејсбук претстави нова функција, која овозможува да се пребаруваа информациите на повеќе од милијарда корисници на социјалната мрежа.