1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми на денот

Судирите продолжуваат, развојот на настаните во Ирак прилега на востание

Во судирите меѓу приврзениците на радикалниот шиитски водач Моктада ел Садр и коалиционите сили во Ирак во последните 48 часови загинаа повеќе од 120 лица. Само од болниците во Багдад е јавено за 58 мртви и 236 повредени

Прпадници на шиитска милиција во Куфа

Прпадници на шиитска милиција во Куфа

Во градот Насирија денеска, на третиот ден од борбите, се убиени 15 Ирачани, а ранети се 12 италијански војници. Во Амара се регистрирани 12 загинати и 27 ранети Ирачани. При акција во провинцијата Ел Анбар се убиени 4-ца американски војници, тројца други го загубија животот во еден шиитски кварт во главниот град Багдад.

Развојот на настаните навистина прилега на востание, што го најави шиитскиот водач Моктада ел Садр, кој во меѓувреме ја напушти џамијата во Куфа и сега се наоѓа во светиот шиитски град Наџаф. Вината за ваквиот развој министерот за човекови права на Преодниот ирачки владин совет Абдел Басет Турки и’ ја префрли на стратегијата на коалиционите трупи за примена на сила: “Сметам дека окупационите трупи ја започнаа ескалацијата на насилството. Ќе беше подобро да се определеа за дијалог или да искористеа посредници во кои обете страни имаат доверба”.

Ширум светот бараниот милитантен исламист Абу Мусаб ал-Заркави, кој денеска во Јордан во отсуство беше осуден на смртна казна како организатор на убиство на американски дипломат во октомври 2002-ра, им се закани на коалиционите сили во Ирак со нови напади.