1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Стандард енд Пурс го намали кредитниот рејтинг на Кипар

Рејтинг агенцијата „Стандард енд Пурс“ го намали за два степена бонитетот на Кипар, од Б на ЦЦЦ плус, со што земјата потона уште подолу во категоријата на шпекулативните инвестиции.

Од последното намалување на оценката во октомври состојбата во Кипар е дополнително влошена, соопшти агенцијата во Њујорк. Таа и изгледите на земјата за во иднина ги оцени како „негативни“. Во Кипар, според агенцијата, е зајакнат финансискиот притисок, а несигурноста на условите на секоја финансиска поддршка останува, во очекување на претседателските избори во февруари следната година.

„Стандар енд Пурс“ ги критикува бавните преговори на Кипар и Тројката, составена од претставници на ЕУ, ЕЦБ и ММФ околу пакет финансиска помош. Додека се ограничени финансиските опции на владата, расте ризикот од државен банкрот, истакнува рејтинг-агенцијата. Германскиот весник „Зиддојче цајтунг“ вчера (20.12) објави извештај, според кој ММФ бара отпис на долговите за Кипар, зашто земјата во спротивен случај по спроведувањето на реформите нема да може да го носи товарот на каматите.