1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми

Среќните Англичани и безволните Французи одат во четвртфинале

Англија со победа ја исфрли Украина од ЕП, па сега и двете земји домаќини на првенството се само во улога на гледачи. Франција исто така оди во четвртфиналето, каде ќе мора да се бори со Шпанија.

Англија на „Донбас Арена“ во Доњецк го победи ко-домаќинот Украина со 1:0, додека Франција загуби со 2:0 од веќе отпишаната Шведска на „Олимпискиот Стадион“ во Киев.

Првото место во „Д“ групата го освои Англија со 7 бодови, пред Франција со 4, Украина и Шведска освоија по 3.

UEFA EURO 2012 Schweden Frankreich Zlatan Ibrahimovic Jubel Tor

Шведска ја победи Франција, но сепак не оди натаму

Натпреварот во Доњецк го реши повратникот во репрезентацијата на Англија, Вејн Руни (беше казнет поради црвен картон), со голот во 48. минута по асистенцијата на капиетнот Стивен Џерард. Украинците кои беа подобар ривал во првиот дел не ги искористија своите шанси, а во 62. минута Марко Девиќ го совлада Џо Харт. Џон Тери ја исфрли во игра, иако топката ја мина гол-линијата, но сепак судијата Виктор Касаи (Унгарија) и неговите помошници не покажаа на центарот. Украина загуби и остана само да жали за пропуштените шанси.

На дуелот во Киев, Шведска оствари „пирова“ победа, откако со головите на Златан Ибрахимовиќ во 54. минута и на Себастијан Ларсон во 90. минута ја совлада Франција. Французите, сепак, одат во четвртфиналето, каде противник им е Шпанија, додека Англија за противник ќе ја има Италија.

На Европското првенство денеска е слободен ден, а четвртфиналните натпревари се играат од четврток до недела (21 до 14 јуни).