1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Среќна Нова 2013-та

Во Берлин илјадници луѓе танцуваа единствен вид на танц, во Дубаи најголемата зграда на светот сјајеше во огномет, на Хиндукуш војниците на НАТО танцуваа со пушки на рамена. Во Индија тага. Стигна 2013-та.

Повеќе од милиион луѓе ја дочекаа Новата година на улиците на Берлин, пред Бранденбуршката порта, соопштија организаторите на дочекот. На најголемиот дочек ширум Германија се танцуваше „Gangam style“, а на сцената меѓу другите се појавија и меѓу другите и Bonnie Tyler и  Pet Shop Boys.

Во Берлин точно на полноќ започна огномет кој траеше десет минути. Но „искреше“ ширум Германија. Во искрите уживаа и граѓаните на голем број градови, од огномет засјаи и позната Келнска катедрала. За задоволството кое синоќа траеше се’ на се’ неколку минути, грѓаните на Германија платија 115 милиони евра.

Во Австралија Новата година беше дочекана вчера

Во Сиднеј, веќе вчера во 14 часот по средноевропско време огномет ја обли Сиднејската опера, а имаше повеќе од еден милион посетители. Додека Kylie Minogue ги забавуваше присутните повеќе од седум тони ракети беа испукани на небото над операта во Сиднеј.

NEUJAHRSFEIERLICHKEITEN 2012 Australien Sydney

Нова година во Сиднеј

Неколку временски зони понатаму во Кина и во Јапонија во 2013. година се влезе помирно. Имено во Кина, традиционално во Новата година се влегува на почетокот на пролетта. Во Токио и други градови на Јапонија беа одржани духовни ритуали во храмовите, каде наредните три денови околу 100 милиони луѓе ќе ги минат во молитви за успех и здравје.

Неброено голем број луѓе дојдоа и на Црвениот плоштад во Москва. Часовникот на највисоката кула во Кремљ традиционално ги одбројуваше секундите до доаѓањето на Новата година. Неколку минути колку што траеше огнометот, Москва се претвори во град од бајките.

Flash-Galerie Silvester 2012 Moskau

Нова година во Москва

Со оружје на рамо

На Блискиот Исток 2013. година се дочека со големи спектакли и забави. Спектакуларен огномент ја обои највисоката зграда на светот во Дубаи во црвено. Станува збор за 828 метри високата кула  Бурж Калифа.

Silvester 2012 Neujahr 2013 Dubai

Нова година во Дубаи

Во Авганистан војниците на НАТО со пушки на рамо влегоа во Новата година.

Од друга страна Индија обвиткана во тага ја дочека Новата 2013. година. Откажани беа многу забави, а голем број Индијци претходните денови демонстрираа на улиците поради бруталното силување на една студентка во автобус во Њу Делхи. Девојката пред неколку дена почина во болница во Сингапур, поради што голем број дискотеки го откажаа дочекот на Новата година.

Silvester 2012 Neujahr 2013 New York

Нова година во Њујорк

Во Франција, тивко без петарди се влезе во Новата година. Употребата на пиротехника е забранета во Париз. Во Њујорк во шест часот наутро по средноевропско време околу милион луѓе на Тајмс сквер со конфети и песна ја дочекаа 2013. Последни Новата година ќе ја дочекаат луѓето на Хаваи, каде Новата 2013. година ќе стигне во 11 часот по средноевропско време.