1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Европа

Спектакуларна акција на „Гринпис“ на Ајфеловата кула

Со спектакуларна акција на искачување на Ајфеловата кула двајца активисти на „Гринпис“ демонстрираа за ослободување на уапсените членови на организацијата во Русија.

Еден од активистите пред својот шатор на вториот кат на кулата обеси транспарент на кој пишуваше „Ослободете ги 30-мината од Арктик“. Вториот активист беше зафатен со безбедноста на својот колега.

Ајфеловата кула беше привремено затворена поради протестната акција, која траеше околу два часа, по што пожарникарите ги симнаа двајцата активисти. Француската полиција потоа изврши испрашување на најмалку шестмина членови на „Гринпис“.

Руската крајбрежна погранична стража на 19. септември го зароби бродот на организацијата за заштита на природата во Баренцовото Море, откако нејзините членови се обидоа да се искачат на нафтена платформа на концернот Газпром. 30-члениот екипаж на бродот „Арктик Санрајс“ оттогаш е во притвор во Русија и чекаат на судски процес.

Акцијата на двајцата активисти во Париз беше насочена и кон француската влада, како што соопшти Сирил Кормие од „Гринпис Франција“. Тој побара од францускиот премиер Жан-Марк Ејро да ја отвори темата при својата посета следната недела во Русија.