Со рачна работа до дизајнерска софа | Панорама | DW | 06.12.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Со рачна работа до дизајнерска софа

Фирмата КОР изработува дизајнерски мебел во процес во кој се‘ се прави рачно. Чист луксуз во денешно време, кое не може да си го дозволи секој.

Стабилна рамка е основа за секоја софа. Кај КОР се сече, се монтира и се лепи рачно. Рачна изработка, исто како и со останатиот дел од процесот до готова софа, кој опфаќа околу сто чекори. Тоа е луксуз којшто може да си го дозволат само мал број производители на мебел.

Лео Либке е израснат во мануфактурата и раководи со бизнисот веќе шест години. Неговата фирма неделно произведува повеќе од илјада фотелји и софи, дизајнерски парчиња за соодветна цена.

„Притисок има, и ние мора да работиме економично и да ги оптимираме процесите за да имаме што пониски трошоци. Не можеме да бидеме поевтини, мора да бидеме подобри.“

Семејното претпријатие е успешно токму поради тоа што може да биде иновативно и флексибилно во релативно мала бизнис-сфера, како кога станува, на пример, збор за тоа да се погоди вкусот на муштеријата.

Семејниот елемент во претпријатието игра исто така голема улога. Либке е трета генерација, а мајка му до денес е важен советник.

„Таа е и добриот дух кој забележува ако расположението некаде не е оптимално. Тогаш таа оди кај луѓето и ги прашува што е работата и дали може да помогне. Вработените се исклучително задоволни што таа потоа со нив не разговара на оперативно ниво, туку на човечко ниво“, објаснува Лео Либке.

Се чини обезбедена е и иднината - едно од трите деца на Либке треба да го води натаму претпријатието за мебел.