1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Сметката одблокирана, две осомничени добија домашен притвор

Кривичниот суд во Скопје денеска донесе одлука да ја повлече одлуката за замрзнување на сметката на ТВ А1. Истражниот судија пак им одреди домашен притвор на две осомничени.

default

Основен суд Скопје 1

Кривичниот совет на Основниот суд 1 ја прифати жалбата на адвокатите во случајот „Пајажина“ и го укина решението со кое сметката на А1 телевизија беше замрзната. Советот со ова практично ги укина сите решенија на истражниот судија и ги врати предметите на повторно одлучување. Ова значи дека сметката на А1 и останатите субјекти од Перо Наков б.б. може да се одмрзнат и непречено да се користат. Во меѓувреме истражниот судија ќе треба да донесе решение на кој начин сега ќе се обезбеди наплата на побаруваната штета во случајот.

Воедно екс-директорката на „А1 Телевизија“ Анета Кочишки е пуштена од притвор. Нејзе и на уште една осомничена во случајот Перо Наков, Невин Рауф, со одлука на истражниот судија им е одреден домашен притвор. Како што се дознава, истражниот судија ја прифатил за релевантнa медицинската документација за нарушено здравје на двете притворенички.

Mazedonien Presse TV Sender TV A1 in Skopje

Програмата во живо се емитува пред македонската влада

Бранителите во случајот „Пајажина“ се задоволни од одлуката на кривичниот совет, но ќе сочекаат официјално да го добијат решението од страна на судот. Адвокатот Мирослав Вујиќ, за Дојче веле изјави оти очекува решението да го добијат во текот на овој, или утрешниот ден. Дотогаш не сака да коментира ништо конкретно.

NO FLASH Fernsehsender TV A1 Mazedonien

ТВ А1

Во очекување на официјално образложение се и новинарите од телевизијата кои засега остануваат на ставот програмата да ја емитуваат од пред зградата на владата, вели главниот и одговорен уредник Младен Чадиковски. Нивните натамошни чекори ќе се знаеле кога во целост ќе им била позната содржината на одлуката.

Сметката на А1 и останатите медиуми и фирми од Перо Наков се блокирани од 28 јануари што беше директен повод за политичката криза која кулминираше со потегот на речиси целата опозиција да го напушти парламентот.

Автор: Костадин Делимитов

Редактор: Александра Трајковска

DW.COM