1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Слободни зони и кластери за современ туризам

Македонија по слободните економски ќе формира и туристички зони. Последниот од вкупно трите туристички кластери се формираше во Охрид.

default

Охрид е една од трите планирани туристички зони

Додека индустриските зони бавно се полнат со странски инвеститори и фирми македонската Влада најавува донесување Закон за формирање и на туристички зони. За почеток околу трите најголеми природни езера: Охридското, Преспанското и Дојранското.

Премиерот Никола Груевски неодамна рече: „На странските инвеститори ќе им се дададат специјални бенефиции. Со цел да се привлечат повеќе инвеститори да изградат хотели во овие зони кои подоцна ќе ни донесат повеќе гости, повеќе девизен прилив, вработувања и посилна економија“.

Странците ќе можат да откупуваат големи парцели од по неколку хектари. Ќе се градат туристички комплекси, но ако лицитациите не успеат, земјиштето ќе се продава одделно.

Охрид подготвен за туристичките зони

Branka Arnaudov

Бранко Арнаудов, раководител на секторот за урбанизам во општина Охрид

На пример Охрид е подготвен за фазата на потенцијалните купувачи да им се понудат локации. Секторот за урбанизам до детали со потребните урбанистички планови го има покриено целото крајбрежие, вели раководителот на секторот Бранко Арнаудов.

„Со Агенцијата за странски инвестиции заеднички работаме на проектот за изградба на еден голем хотелски комплекс во населбата Далјан. Инвеститорот е од Франција, беше тука ги погледа локациите и му се допаднаа. Се работи за изградба на спа-центри, голф терени и казина. Работиме и се надеваме дека ќе успееме да реализираме еден таков комплекс во Охрид“.

Локалните власти немаат ништо против туристичките зони, но се свесни дека процесот е тежок и нема да оди се’ подмачкано. Свежи се неколкуте неуспешни лицитации на атрактивно земјиште за изградба на хотелски бренд во локалитетот Горица во Охрид. Истовремено, тежи фактот дека странците, бараат добра придружна инфраструктура, пред се’ патна по која за кусо време ќе се стигне до идните комплекси. Македонија, особено туристичките региони околу трите езера не можат да се пофалат со модерни сообраќајници.

Туристички кластери ќе ги развиваат регионите

Anica Palaco, von GIZ Büro in Struga

Аница Палацо од канцеларијата на ГИЦ во Струга

Македонија ја следи европската политика состојбите во туризмот да ги придвижува преку кластери. Неодамна беше формиран третиот кластер за Југозападниот регион. Германското друштво за меѓународна соработка беше инцијаторот, вели Аница Палацо од канцеларијата во Струга.

„Зборуваме за дестинации, но досега за жал не можеме да речеме дека сме имале некакво управување со нив. Кластерот како нов инструмент и форма која што ги спојува различните даватели на услуги од туристичкиот сектор овозможува да кажеме и кој управува со таа дестинација. Значи кој се грижи за неа, квалитетот, стандардите, кој исфрла нови проекти и слично“.

Ружди Муфти е извршен координатор на туристичкиот кластер „Еден“ кој асоцира на нешто прво, на рајот, еденските градини. Тој открива дека кластерот веќе подготвува брошура за активен туризам во регионот од тринаесет општини,

Ruzdi Mufti, Koordinator für Tourismus in Ohrid

Ружди Муфти координатор на туристичкиот кластер

наменета пред се’ за тур – операторите за да се промени сликата за понудата и признава:

„Досега беа запоставени останатите општини, фаворизирани беа Охрид, Струга и езерата. Другиот дел од регионот како на пример Дебарскиот крај, Македонски Брод, Кичево кај што имаме безброј туристички атракции кои што можат да ги видат гостите кои ќе се во регионот беа запоставени“.

Кластерот за туризам би требало да се наметне и да има клучна улога во идната локална, регионална или национална стратегија за туризмот посебно преку гласот на приватниот сектор кој за жал, досега многу малку се слушал, особено: „Во моменти на носење на важни одлуки во кој правец треба да оди туризмот, што треба да се развива инфраструктурно и слично не можеме да се потпираме само врз некоја национална политика и пристап од горе, па надолу туку е важно да се вклучат од долу на горе, оние кои што живеат од тоа“, заклучува Аница Палацо која зад себе има речиси дваесет годишно искуство во креирањето политики за турзмот.

Автор: Милчо Јованоски

Редактор: Алекасндра Трајковска