1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Скандал со прислушување во САД

Американското министерство за правда тајно присвоило двомесечни записи од телефонските разговори на репортерите и уредниците на агенцијата Асошиејтед прес. Агенцијата обвинува за упад во нејзината самостојност.

Во записите кои ги присвоило Министерството за правда се наоѓале податоци за повици од работните простории, но и од домашните телефони на вработените во новинската агенција, како и нивните приватни телефонски броеви. Севкупно владата запленила податоци за повеќе од 20 телефонски линии кои ги користеле новинарите на АП. Точниот број на новинари кои ги користеле овие линии не е познат, но повеќе од 100 новинари работат во канцелариите од кои биле одземени податоци.

Во протестно писмо испратено до јавниот обвинител Ерик Холдер, претседателот и менаџер на АП Гери Пруит оценува дека владата присвоила информации за кои не може да постои оправдување во никаква конкретна истрага. Тој побара враќање на сите записници и уништување на евентуалните копии кои ги поседува владата.

„Не може да постои никакво оправдување за вакво незаконско собирање на податоци за телефонски комуникации на Асошиејтед прес и на нејзините новинари. Овие записници содржат комуникации со тајни извори за сите новинарски активности на АП во период од два месеци“, вели Пруит.

Нема објаснување за заплената

US-Regierung soll AP bespitzelt haben

Директорот на АП, Гер Пруит

Владата засега одбива да соопшти од кои причини ги присвоила податоците. Официјални лица претходно соопштија дека јавниот обвинител во Вашингтон истражува кој и‘ дал информации на АП за извештајот за откриен терористички заговор објавен на 7 мај годинава. Во извештајот беа откриени информации за операција на ЦИА во Јемен со која бил спречен заговор на Ал Каеда за напад врз авион на територијата на САД.

Обвинителите во претходни случаи барале податоци од новинари, но во овој случај се работи за невообичаен опсег на запленети податоци. Во известува до АП во петокот, министерството за правда не дава оправдување за запленувањето на материјалот. Меѓу оние чии телефонски броеви се истражувани се и оние на петмината новинари и уредникот кои работеле на приказната од 7. мај за спречениот терористички напад.

Администрацијата на претседателот Барак Обама досега агресивно ги истражуваше сите случаи на објавување на тајни податоци во медиумите и поведе тужби против шест лица за кои постоеше сомнение дека биле извор на тие тајни информации., повеќе од сите досегашните претседатели заедно.