1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Системот на Путин се` уште владее во Русија

Тешката казна од 14 години затвор за критичарот на Кремљ, Михаил Ходорковски, наиде на остри критики во меѓународни рамки. Ходорковски се товари за кражба на милиони тони нафта од компанијата „Јукос“.

default

Михаил Ходорковски моментално веќе отслужува затворска казна

„Останува впечатокот дека политичките мотиви играле улога во оваа постапка. Тоа не е во согласност со постојано изразуваната намера на Русија за воспоставување систем на правна држава“, изјави германската канцеларка Ангела Меркел. Слична беше и изјавата на шефот на германската дипломатија Гидо Вестервеле.

Осуда стигна и од ЕУ, која дури има намера за темата да се дискутира на дипломатско ниво: „Европската унија има намера прецизно да го проследи случајот и за него да разговара со Русија“, изјави првиот дипломат на Унијата, Кетрин Ештон. Според Ештон, правната независност и правото на фер процес се значаен дел од партнерството на Русија со ЕУ.

САД новата пресуда на Ходорковски ја нарекоа „злоупотреба“ на правниот систем. Пресудата отвора „сериозни прашања за селективната примена на законите“, изјави портпарол на министерството за надворешни работи во Вашингтон.

Chodorkowski / Urteil / Gericht / Moskau

Малкумина се надеваа дека судијата вчера (30.12.) ќе ја изрече пресудата

Русите се чувствуваат навредени

Пресудата за Ходорковски, кој во моментов веќе се наоѓа на издржување осумгодишна затворска казна, поради даночно затајување, предизвика критички реакции и во самата Русија. Опозициониот политичар Борис Њемцов оцени дека тоа е „срам на годината“. Ала Гербер од фондацијата „Холокауст“, вели:

„Потресен сум, се чувствувам навреден. Тотално сум очаен поради двете пресуди, но и поради сите нас. Не` понижија и ни покажаа дека не` сметаат за говеда. Тоа е страшна пресуда.“

Сергеј Митрохин, шеф на социјално-либералната партија Јаблоко, нагласи:

„Тоа е апсурден процес кој во сенка турка уште многу апсурдни театарски претстави. Пресудата, политички погледнато, докажува дека и покрај изјавите на претседателот Медведев, системот на Путин се‘ уште владее во земјата.“

Автор: Естер Хартбрих, дв / Елизабета Милошевска-Фиданоска

Редактор: Трајче Тосев

DW.COM