1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Се урна тунел во Јапонија, неколкумина загинати

Во Јапонија делумно се урна дел од тунел на автопат. Повеќе автомобили се заробени, пронајдени се неколку јагленисани тела, а повеќе луѓе се‘уште се водат за исчезнати.

Неколку јагленисани тела се пронајдени денеска (02.12) во запалено возило во тунел во Јапонија, чиј горен дел претходно се урнал.

Несреќата се случила во тунелот на автопатот кој го поврзува Токио со централниот дел на Јапонија, кога се урнал дел од таванот на тунелот. Дел од автомобилите останале заробени, од кои еден се запалил, по што пожарот се проширил.

„Неколку јагленисани тела се пронајдени во едно возило. Точниот број не се знае“, потврди портпаролот на полицијата на префектурата Јаманаши.

Телата ги откриле полицијата и инженерите кои дошле да ги проценат штетите во тунелот.

Спасувачките операции се прекинати, бидејќи постои опасност од ново уривање на сводот на тунелот.

Јапонските медиуми претходно јавија дека два автомобили се судриле во 4,7 километри долгиот тунел Сасаго на автопатот Чуо во Оцуки, на 80 километри западно од Токио, откако се урнал сводот на тунелот.

Медиумите додаваат дека две жени се повредени и оти седум лица се водат за исчезнати, а дека пожарникарите го ставиле под контрола пожарот кој го зафатил автомобилот.