1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Се очекува екстрадиција на осомничените за убиството кај Смилковско езеро

Двајцата прво-осомничени за петкратното убиство биле уапсени на Косово, но се‘ уште се чека потврда на нивниот идентитет

Косовската полиција синоќа потврди дека ги уапсила двајцата првоосомничени за убиството на пет лица кај Смилковско езеро. Агенцијата Макфакс јави дека Алил Демири и Африм Исмаиловиќ биле уапсени во Приштина. Во текот на ноќта се работело на конечна потврда на нивниот идентитет, а повеќе информации се најавени за денеска.

Македонското МВР потврди дека од косовските колеги добиле известување за приведувањето на двајцата осомничени.

„Министерствата за внатрешни работи на Македонија и на Косово се во директен контакт. Бидејќи лицата не поседувале лични документи за потврда на идентитетот, ќе бидат сторени сите неопходни проверки, а МВР по завршувањето на идентификацијата денеска ќе соопшти официјални информации“, соопшти македонското МВР.

Демири и Исмаиловиќ се двајца од тројцата кои се обвинети како директни извршители на петкратното убиство кај Смилковското езеро, кое се случи на 12 април минатата година.

Тие се обвинети дека, вооружени со пушки и автоматско оружје, убиле пет лица, а потоа побегнале од местото на злосторството, додека уште две лица им помогнале да ја минат границата и да заминат на Косово.

Македонската полиција по нив распиша меѓународна потерница, а во судскиот процес кој почна на 20 декември, им беше судено во отсуство.

Поврзана содржина