1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Се намалуваат македонските азиланти во Западна Европа

Македонското и баварското МВР ја засилуваат соработката против криминалот, корупцијата, трговијата со луѓе, проституцијата, детската порнографија, интернет криминалот и нелегалната продажба на оружје и дрога.

Министерката за внатрешни работи Гордана Јанкулоска и првиот човек на Баварското министерство за внатрешни работи Јоахим Херман, денеска во Скопје потпишаа декларација за соработка.

„Овој договор значи и унапредување на соработката во делот на форензичката наука, меѓународната трговија со историски и културни добра и спречувањето на сите злоупотерби поврзанисо тоа“, изјави Јанкулоска по потпишување на декларацијата. Таа информира дека е иницирано и прашањето за заемно признавање на возачките дозволи.

Bayerischer Innenminister Joachim Herrmann

Министерот за внатрешни работи од Баварија Јоахим Херман

Министерот Херман потенцира дека Баварија е најбезбедна покраина во Германија со најмала стапка на криминалитет.

„Го поддржуваме патот кон членство на Македонија во ЕУ, но мораме да се грижиме и за задржување на безбедноста што ја имаме во Баварија и токму поради тоа соработката со Македонија е важна“, изјави Херман.

Заеднички е констатирано дека бројот на азиланти од Република Македонија во западноевропските земји, особено во Баварија, бележи благ пад. Одговарајќи на новинарско прашање како ги оценува напорите на македонската Влада во однос на справувањето со лажните азиланти, баварскиот министер посочи дека сите оние кои во 2010-та година влегле во Германија создале дополнителни грижи.

„Македонија направи напори за справување со овој проблем, така што билансот од минатата година покажува дека бројот на лажните азиланти кои влегле во Германија е повеќе од преполовен. Тоа значи дека напорите на Владата на Република Македонија вродуваат со плод“, истакна Херман.

Gordana Jankulovska Innenministerin Mazedoniens

Македонската министерка за внатрешни работи Гордана Јанкуловска

„Ќе продолжиме да работиме со ист интензитет, како што тоа го правевме и во изминатата 2011-та година, кога Република Македонија како одговор на проблемот што се појави презеде низа мерки и во делот на превентивата, но и во делот на репресивното делување“, изјави Јанкулоска претходно во текот на денот, по завршувањето на регионалната конференција за Декадата за инклузија на Ромите 2005 - 2015 година.

Освен информирањето на населението на терен, Јанкуловска укажа дека се направени и одредени измени во законската регулатива, при што се предвидени построги санкции за оние кои ќе ја злоупотребат визната либерализација, меѓу кои и одземање на патната исправа, ако се утврди дека лицето врши злоупотреба, како и повеќегодишна казна затвор за оние кои се јавуават како организатори на групите „лажни азиланти“.

Поврзана содржина