1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Северна Кореја и натаму провоцира

Северна Кореја повторно истрелала ракета од краток дострел. Покрај тестовите и атомската проба, САД сакаат да воспостават дијалог со комунистичката земја. Условот гласи: промена на курсот на раководството во Пјонгјанг.

default

Дијалог или конфронтација?

На властите во Северна Кореја мора да им стане јасно, дека без промена на курсот ќе ги почуствуваат последиците од нивните постапки, порача американскиот Стејт Департмент. Истовремено САД се подготвени за продолжување на шест-партитните преговори за спорната атомска програма на Северна Кореја, изјави портпарол на Стејт Департментот во Вашингтон. Во сабота американскиот министер за одбрана Роберт Гејтс во Сингапур ќе ги усогласува натамошните постапки во случајот со Северна Кореја со неговите колеги од Јапонија и Јужна Кореја.

Дипломатските напори не оставаат голем впечаток кај раководството на Северна Кореја

Symbolbild - Clinton und Lawrow

Министрите за надворешни работи на САД и Русија, Клинтон и Лавров

Во меѓувреме американската министерка за надворешни работи Хилари Клинтон телефонски разговарала со нејзиниот руски колега Сергеј Лавров. Таа притоа се изјаснила за брз и единствен одговор на провокациите на Пјонгјанг. Меѓутоа најновите дипломатски напори по се изгледа не оставаат голем впечаток кај властите во Северна Кореја. Новинска агенција Јонхаб од Јужна Кореја известува дека соседната земја денеска тестирала уште една ракета од краток дострел. Во понеделникот покрај атомската проба Северна Кореја истрела три, а вчера уште два проектила од краток дострел.

Покрај тоа јужнокорејските медиуми денеска јавуваат и оти американските шпионски сателити пронашле индикации за тоа дека Северна Кореја повторно ја ставила во погон нејзината нуклеарна постројка во Јонгбјон. Во неа имено може да произведува плутониум кој може да се користи за вооружување на атомските бомби. Од друга страна Советот за безбедност на ОН кој вчера остро и едногласно го осуди нуклеарниот тест спроведен од Северна Кореја, продолжува со консултациите околу резолуцијата со која треба да бидат заострени веќе постоечките санкции за оваа земја.

Се подготвува сотра резолуција за Сверна Кореја

Symbolbild UN Sicherheitsrat trifft sich wegen Nord Korea

Atomwaffentests in Nordkorea haben ein Treffen des UN Sicherheitsrats zur Folge --- DW-Grafik: Peter Steinmetz 2009_05_25-UN-Sicherheitsrat-trifft-sich-wegen-Nordkorea

Русија веќе сигнализираше дека треба да се очекува остра резолуција за Северна Кореја. Кина, најголемиот сојузник на Северна Кореја соопшти дека директно протестирала кај властите во Пјонгјанг.

Во Германија пак, сојузната влада го повика амбасадорот на Северна Кореја во Берлин, Хонг Чанг Ил, за да изрази протест против политиката на неговата земја. Ополномоштеникот за Азија во министерството за надворешни работи Ханс Хенинг Бломејер Бартенштајн за време на разговорот со амбасадорот ја повторил германската критика за атомскиот и ракетните тестови. Северна Кореја со нив натамошно се самоизолира, порачал Бломејер Бартенштајн.

Автор: СН/АТ/дв

Редактор: Александра Трајковска