1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Самитот на АСЕАН прекинат поради насилни протести против владата на Тајланд

Тајландската влада по протестите воведе вонредна состојба во летувалиштето Патаја (11.04.2009) и го прекина започнатиот самит на државите од југоисточна Азија. Одлуката е донесена од безбедносни причини.

default

Демонстрантите изнудија прекин на самитот

Се работи за безбедноста на шефовите на држави или влади на земјите од АСЕАН, е образложението за воведената вонредна состојба во Патаја, но и во други делови на земјата, што го соопшти премиерот Абхисит Веѓаѓива во телевизиското обраќање утрово (11.04.2009).

Претходно на демонстрантите им успеа, и покрај големото присуство на силите за безбедност, да продрат до Центарот за медиумите во зградата каде се одржува самитот. Истовремено тие ги блокираа приодите до хотелот во кој се сместени учесниците на самитот. Поради тоа мораше да бидат откажани повеќе помали средби на политичарите, пред целосно да биде прекинат и целиот самит, кој требаше да заврши утре. Средбата на шефовите на државите од АСЕАН ќе биде одржана по два месеца, соопшти владин претставник.

Asean Proteste Thailand

Протести против актуелниот тајландски премиер

Протестите не се против самитот на АСЕАН

Демонстрантите јасно ставија на знаење дека нивниот протест не е насочен против самитот, туку против тајландската влада на премиерот Абхисит Веѓаѓива. Уште вчера повеќе илјади луѓе ги искршија бариерите кои ги постави полицијата во Патаја. Центар на протестите претходно беше главниот град Бангкок, каде илјадници приврзеници на во 2006 година соборениот премиер Таксин Шинаватра бараа оставка на актуелниот шеф на владата.

Веѓаѓива дојде на власт на крајот на 2008 година, по масовните демонстрации на неговите приврзеници против новоформираната партија на Таксин. Тогаш демонстрантите го зазедоа и аеродромот во Бангкок, стотици илјади туристи и деловни луѓе останаа принудно во земјата, а економијата претрпе тешки штети.

ЖА/дпа/ап/ројтерс

Поврзана содржина