1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми

САД ја симнаа Русија од тронот

Познати се полуфиналистите на Светското првенство во хокеј на мраз кое се игра во Шведска. Најголемо изненадување е пласманот на Швајцарија, додека САД им одржаа лекција на актуелните светски прваци - Русија.

Репрезентациите на Финска, Шведска, Швајцарија и САД ќе играат во полуфиналето на Светското првенство во хокеј на мраз. САД забележаа убедлива победа над бранителот на титулата - репрезентацијата на Русија. Американците во четвртфиналето ја декласираа Русија со 8:3. САД во полуфиналето ќе играат против Швајцарија, најголемото изненадување во досегашниот тек од првенството. Швајцарија за пласман меѓу најдобрите четири селекции ја совлада Чешка со 2:1. Финска испушти предност од три гола против Словачка, но на крајот успеа да победи со 4:3 и да се избори за полуфинален меч со Шведска. Швеѓаните во драматичен меч ја совладаа Канада дури по изведувањето на пенали со 3:2.

Полуфиналните мечеви ќе се одиграат во Стокхолм на 18.мај, од 15 часот ќе играат Шведска и Финска, а од 18 часот ќе започне мечот меѓу Швајцарија и САД. На 19.мај во 16 часот ќе стартува натпреварот за третото место, додека големото финале ќе се одигра со почеток во 20:30 часот.