1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

САД се подготвуваат за удар на ураганот Ајрин

Ураганот Ајрин со голема брзина се приближува кон источниот брег на САД. Претседателот Барак Обама веќе прогласи вонредна состојба во сојузната држава Северна Каролина.

default

Американскиот претседател Барак Обама прогласи ноќеска вонредна состојба во Северна Каролина поради приближувањето на ураганот Ајрин кој се предвидува да го погоди брегот на САД во текот на викендот.

Сојузната држава Северна Каролина ќе биде првата која ќе биде на удар на ураганот. Обама најави дека ќе побара федерална помош, доколку биде неопходно. Тоа значи дека Федералната агенција за вонредни состојби може да ги координира сите напори на подготовка и соочување со последиците од ураганот. Погодените држави може да се пријават за сојузни фондови наменети за расчистување и други потреби.

Ураганот Ајрин забрзано се приближува до американскиот источен брег каде може да зафати подрачје каде живеат околу 65 милиони луѓе, меѓу другото и градовите Вашингтон, Балтимор, Филаделфија, Њујорк и Бостон.

Автор: ТТ/ АТ/ миа

Редактор: Е.М. Фиданоска