1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Ристовски: Се’ помалку првачиња

Заклучно со сабота (31.08.2013 година), бројот на запишани првачиња во Македонија е 20.774, информираше министерот за образование Спиро Ристовски. Тој се надева на зголемување на овој број.

Author: Fatos Musliu, shot in Skopje, on September 14 th

Министерството за образование и наука ги завршило сите подготовки за стартот на новата учебна година, која започнува утре, информира министерот за образование Спиро Ристовски. Според министерот, „над 90 проценти од сите подготвителни активности - санации и реновирања, се готови“. „Обезбедени се комплетно нови учебници од прво до трето одделение“. Министерот го загрижува се’ помалиот број на запишани првачиња во Македонија.

„Јас очекувам да порасне таа бројка. Ме загрижува фактот што секоја година имаме се’ помалку и помалку првачиња, што е резултат на намалениот наталитет и се’ помалиот природен прираст на нови генерации во Македонија“, изјави Ристовски.

Mazedonien - Ministerpräsident Nikola Gruevsk

Никола Груевски

Министерот не ја исклучи можноста за појавување непланирани работи при стартот на училишната година. Учениците и оваа година, како и во изминатите пет години, треба да добијат бесплатни учебници. Тоа го потврди премиерот Никола Груевски, кој информираше дека наскоро ќе биде потпишан договор со универзитетот Кембриџ за преведени и адаптирани учебници за основно образование по природни науки. Според Груевски, се работи за петгодишен договор со Кембриџ, со кој ќе започне етапна замена на учебниците и на наставните програми и нивно усогласување со британските учебници и програми.