1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Реџепи: Не сакам Косово да го оценувате како извозник на оружје и насилство

Македонската министерка за внатрешни работи Гордана Јанкулоска со косовскиот колега Бајрам Реџепи разменила информации за безбедноста во регионот. Јанкулоска информирала и за последните акции на македонската полиција.

default

Бајрам Реџепи и Гордана Јанкулоска

Единствено заедно низ соработка и добра координација е можна ефикасна борба против пограничниот криминал. Неопходно е навремено и координирано дејствување, детектирање и попречување на сите обиди на шверц со оружје и други недoзволени дејства и вршење кривични дела. За тоа постои волја и во Македонија и во Косово, која не е само декларативна и треба да се реализира на терен.

Ова го заклучија македонската министерката за внатрешни работи Гордана Јанкулоска и нејзиниот косовски колега Бајрам Реџепи, на денешната (14.05.2010) средба во Скопје.

„Со Реџепи ги разменивме сите релевантни информации кои значат зголемување на степенот на безбедност во регионот, а воедно и чекор поблиску кон разоткривање на сите кривични дела кои се случуваат во пограничниот регион и во кои се инволвирани државјани од двете страни“, изјави Јанкулоска по средбата.

Таа посочи дека го информирала косовскиот колега за се‘ што е направено во последните акции на полцијата на територијата на Македонија, за мерките кои се преземени и за резултатите кои се остварени.

„За нашите косовски колеги обезбедивме список на лица сторители на тешки кривични дела за кои имаме основано сомнение дека ја преминале државната граница кон Косово и дека се наоѓаат на нивна територија, заедно со податоци за лицата со кои таму контактираат и можните локации на кои се наоѓаат за да се обидеме низ зедничка координирана акција да ги лишиме од слобода“, рече Јанкулоска, нагласувајќи дека најголемиот дел од средбата бил посветен на координација по однос на идните активности за лишување од слобода на лицата кои се бараат заради различни судски спорови, или по меѓународни потерници.

Соработката е одлична

Косовскиот министер за внатрешни работи потврди дека постои одлична соработка меѓу двете министерства и земји, која, како што кажа, е во интерес на безбедноста на сите граѓани не само на двете земји, туку и на регионот на Западен Балкан.

Mazedonische Polizei hat Waffen an der mazedonisch-kosovarischen Grenze beschlagnahmt

Оружјето запленето минатата недела

„Се залагаме за слободно движење на граѓаните, за соработка во сите области, и со заеднички акции ќе спречиме различни активности од организираниот криминал, илегална трговија со оружје, дрога и луѓе. За да бидеме поуспешни во тоа, треба да имаме заедничка размена на информации, бидејќи нашите граници не се и не треба да бидат херметички посебно во планинските делови каде движењето треба да биде поконтролирано“, рече Реџепи, додавајќи дека со подобрата информираност ќе се зголеми безбедноста на двете страни од границата.

Тој нагласи дека треба да има што повеќе легални гранични премини меѓу двете држави за слободно движење на граѓаните, но тие да бидат бариери за криминалните групи.

„Мислам дека инцидентите во една од државите се рефлектираат во другата. Не треба да се мисли дека на Косово се добредојдени криминалците, туку спротивно од тоа. Криминалните групи имаат врски не само во Косово, туку и во Србија и Црна Гора и се доста софистицирани“, рече Реџепи.

На наредната страница: Мрежата за трговија со оружје е развиена