1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Референдумот во Романија пропадна

Борбата за превласт во Романија може да продолжи. Според резултатите, претседателот Трајан Басеску го „преживеа“ референдумот за негово сменување од функцијата. Референдумот не успеа поради малата излезност.

Само што беа затворени гласачките места во Романија, Трајан Басеску излезе пред своите приврзеници во Букурешт:

„Пламенот на демократијата продолжува да гори. Романците успеаја да го спречат пучот на 256 пратеници под водство на Виктор Понта и Крин Антонеску. Им благодарам на сите кои својот гнев поради мерките за штедење можеа да го остават настрана и разбраа дека на референдумот не се работи за Трајан Басеску, туку дека тоа е изјаснување за Европа, а против пуч“.

Traian Basescu Wahlkampf Rumänien

Трајан Басеску: Пламенот на демократијата продолжува да гори

На референдумот излегоа само 46 проценти од 18-те милиони граѓани со право на глас. За валиден резултат, беше потребна излезност од најмалку половината гласачи. Со тоа противниците на Басеску, предводени од леволибералната влада на премиерот Виктор Понта, доживеаја неуспех во обидот да го тргнат конзервативниот претседател од функцијата.

Но, 80 проценти од оние кои учествуваа на референдумот, гласале против претседателот Трајан Басеску. Неговиот ригиден курс на штедење од минатите месеци, кој го почувствуваа сите Романци, како и неговиот авторитарен стил на владеење, на Басеску му донесоа повеќе гласови против отколку кога било во неговата кариера. За неговиот противник, премиерот Понта, потврда на неговите намери. По неуспешниот референдум Понта изјави:

Victor Ponta

Понта: Како премиер носам одговорност да не ги разочарам луѓето кои излегоа на гласање

„Како премиер носам одговорност да не ги разочарам луѓето кои излегоа на гласање и нашата политика, нашите проекти и програми да ги водам и натаму. Ве уверувам дека романската влада ќе ги почитува сите закони и одлуки на Уставниот суд и дека ќе работи како фактор на стабилност и напредок, без разлика дали референдумот успеал или не“.

ЕУ остро ја критикуваше социјал-либералната влада на Понта, гледајќи закана за независноста на судството и принципот на поделба на власта во Романија. Тензиите меѓу премиерот Понта и претседателот Басеску, како и меѓу нивните политички табори со неуспехот на референдумот не се завршени. Токму референдумот натамошно го поларизира општеството. Басеску најави посредување по својата победа:

Rumänien Parlament Bukarest

Избори за парламентот ќе се одржат наесен

„Ги уверувам Романците дека по враќањето во претседателскиот кабинет, ќе се обидам да помогнам во помирувањето во општеството. Јасно ми е дека многумина Романци не се задоволни со случувањата во последните годни, но убеден сум дека јазот во општеството може да биде надминат.“.

Претседателот Басеску на функцијата може да остане до 2014-та година. Аналитичарите сметаат дека во Романија ќе се заостри политичката нестабилност. Предизборната кампања почнува наскоро. Во ноември ќе бидат одржани парламентарни избори.