1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Европа

Ренци треба да ја формира новата италијанска влада

Матео Ренци, 39-годишниот претседател на Демократската партија во Италија и ривал на досегашниот премиер Енрико Лета, ќе ја формира нова влада на Италија.

Досегашниот градоначаник на Фиренца Матео Ренци доби налог за формирање на новата влада на Италија. Претседателот Џорџо Наполитано му го предаде мандатот на претседателот на Демократската партија, соопшти кабинетот на претседателот во Рим.

Наполитано претходно во консултација со партиите ги разгледуваше шансите за нова влада под раководство на Ренци. Со своите 39 години тој ќе биде најмладиот италијански премиер на сите времиња. За тоа мора да обезбеди и мнозинство во парламентот.

Се очекува Ренци уште во текот на неделава да го претстави новиот кабинет и да ја побара неопходната доверба од дводомниот парламент. Матео Ренци во внатрепартиска борба за превласт го принуди досегашниот премиер Лета да поднесе оставка на функцијата.

Претседателот на централно десничарската партија НЦД, Анџелино Алфано, вчера сигнализираше дека и под раководство на Ренци стои на располагање за формирање на влада. Заедничките цели меѓутоа допрва треба да бидат утврдени.