1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Раст на кинеската самоувереност

Кина ја издржа глобалната финансиска криза значително подобро, отколку Европа и САД. Со тоа политичките тежишта продолжија да се поместуваат во насока кон Пекинг. Зошто 2010 год. помина во знакот на кинеската доминација?

default

Кина - меѓу модерното и традицијата

Меѓу кинеските експерти од пред некое време кружи изреката дека „само една работа расте побрзо, отколку кинеското стопанство - кинеската самоувереност“. Поткрепа за неа се и севозможните рекорди. Летоска Кина во Шангај ја организира најголемата и најпосетената светска изложба на сите времиња, која ја видоа 73 милиони луѓе. Земјата располага со најголема железничка мрежа за супер-брзи возови, по која се движат најбрзите возови во светот, што таа самата ги произведува. Кина го има и најбрзиот светски супер-компјутер, „Тјанхе 1 А“ во пристанишниот град Тјанѓин на северот на земјата.

Значењето и влијанието на Кина уште повеќе се засили во времето на стопанската и финансиска криза - додека Европа и САД се соочија со пад на стопанските активности за три до четири проценти, кинеското стопанство забележа пораст од девет насто. И во успехот на германската извозна економија годинава удел има фактот дека, на пример, Мерцедес и БМВ мораат да организираат вонредни смени, само за да ја задоволат побарувачката на кинескиот пазар на автомобили.

Кина како спасител

Chinesischer Arbeiter in Addis Abeba, Äthiopien

Кинеските претпријатија се присутни насекаде во светот

Кина не е атрактивна само како пазар за пласман на производи, туку и како инвеститор, оти располага со девизни резерви од дваипол билиона, односно две ипол илјади милијарди долари. Во изминатите месеци таа се претстави во Европа како спасител во кризни ситуации.

„Кина ќе го направи најдоброто што може, за да ги подржи земјите на еврото и да и’ помогне на Грција во совладувањето на кризата, да придонесе за опоравување на стопанството и за стабилност на финансиите. Кина и во минатото купуваше грчки државни обврзниции, а тоа ќе го прави и во иднина“, рече кинескиот премиер Вен Ѓијабао за време на посетата на Атина на почетокот на октомври. Но, Пекинг купува обврзници и на други кризни европски држави - Ирска, Португалија и Шпанија.

Секој сака колку што е можно повеќе да профитира од инвестирањето на Кинезите - тие не купуваат само државни обврзници, туку инвестираат и во мостови, аеродроми, инфраструктура, индустрија. Еберхард Зандшнајдер, експерт за Кина од Германското друштво за надворешна политика, во кинескиот ангажман, специјално во Југоисточна Европа, гледа „сосем претпазливо постепено стратегиско позиционирање. Понекогаш најпогодни појдовни објекти за една таква политика се токму сиромашните земји, кои полесно се импресионираат од големината на кинеските инвестиции отколку други земји“. Кина инвестира милијарди и за основање Конфучиј-институти ширум светот, за јакнење на своите медиуми кои делуваат интернационално, за да испрати смирувачка порака до светот дека кинескиот подем е мирољубив.

Прегледот продолжува на следната страница.