1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Расте бројот на жртвите од земјотресот во Филипините

Бројот на жртвите во потресот кој погоди два големи острови во Филипините се искачи на 142 лица, соопштија официјалните државни органи.

Земјотресот со јачина од 7,1 степени во вторникот го погоди централниот дел на Филипините, недалеку од туристичката област Себу.

Според податоците на локалните власти, во земјотресот загинале најмалку 142 лица. Властите наведуваат дека бројот на жртвите би можел натаму да расте, бидејќи спасувачките екипи со потешкотии стигнуваат до оддалечените места каде се заробени голем број луѓе.

На Филипините во вторникот се славеше национален празник, па голем број граѓани беа во своите домови. Жртвите воглавно се од островот Бохол, каде беше епицентарот на ударот и каде земјотресот предизвика лизгање на земјиштето по што се урнаа голем број куќи и објекти.

Островите Цебу и Бохол се меѓу најпопуларните туристички дестинации на Филипините поради убавите песочни плажи и бистрата вода. Меѓу настраданите нема туристи.

Повеќе од 800 дополнителни потреси биле регистрирани по вчерашниот главен потрес, од кои два биле посилни од 5,1 степени.