1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Пeкинг го цензурира извештајот за премиерот

Семејството на кинескиот премиер Вен Џиабао, според весникот „Њујорк Тајмс“, натрупало богатство тешко милијарди евра. Пекинг е огорчен поради ваквите информации и го блокира пристапот до интернет страницата на весникот.

Кинескиот премиер Вен Џиабао се претставува радо како близок до народот и скромен. Сепак, семејството и роднините на премиерот, според весникот „Њујорк Тајмс“, натрупале богатство од милијарди. Нивниот удел во различни фирми е вреден околу 2,1 милијарди евра. Кина ваквиот извештај го оценува како неточен.

Откритијата се повеќе од непријатни

За богатството на кинеските врвни политичари и нивните семејства во Кина се шпекулира постојано, но ретко има цврсти факти. Тоа е официјално една од најголемите табу теми.

New York Times Logo.jpg

Семејството на кинескиот премиер Вен Џиабао, според весникот „Њујорк Тајмс“ натрупало богатство тешко милијарди евра

Така е и овојпат, откако „Њујорк Тајмс“ги објави резултатите од повеќенеделните истражувања. Интернет страницата на весникот е веднаш блокирана. Извештаите на странските телевизиски станици се прекинуваат, а екраните привремено се едноставно - црни.

Откритијата за семејството на Вен Џиабао се повеќе од непријатни на само неколку дена пред 18. Конгрес на Комунистичката партија на Кина, која има намера да се презентира како блиска на народот. „Ваквите извештаи ја валкаат Кина, зад тоа стојат лоши намери“, изјави портпаролот на Министерството за надворешни работи Хонг Леи. Околу цензурата на извештајот само се коментира: „Кина се однесува со интернетот согласно правото и законите.“

China Volkskongress in Peking Große Halles des Volkes

На конгресот на Комунистичката партија требаше да биде пренесена слика за партија блиска до народот

Весникот „Њујорк Тајмс“, според сопствени наводи, анализирал официјални податоци и податоци на претпријатија и од таа анализа произлегло дека семејството на Вен има учество во фирми во висина од 2,1 милијарда евра.

Според весникот, премиерот Вен лично нема директно учество во ниту една фирма, но меѓу другите, неговиот син и ќерка му, како и брат му и неговиот зет, се наведени како лица кои имаат удел. За време на неговиот мандат тие станале „многу богати“, пишува „Њујорк Тајмс“. Голем дел од богатството на семејството Вен се контролира од страна на далечни роднини, а не од сопругата или од децата.

Голема спротивност со имиџот на Вен

Откритијата на „Њујорк Тајмс“ се во голема спротивност со имиџот на Вен во Кина. Тој радо се претстатвува како скромен и близок до народот. Државната

ARCHIV Politiker Bo Xilai

Бо Силај е обвинет за злоупотреба на службената положба и поткуп

телевизија го прикажува често во стари јакни и чевли како ги охрабрува луѓето кои се жртви на катастрофи. „Јас посветив 45 години од мојот живот во служба на државата“, рече тој во март, на својата последна голема прес-конференција.

Интернет коментаторите откритијата за богатството на семејството на Вен ги оценуваат како борба за превласт во врвот на партијата. Вен важи за човек кој донекаде е расположен за реформи. Тој наредната година ќе замине во пензија, но како и многумина други стари кадри би можел да влијае врз нештата од зад кулисите. Негови противници се поддржувачите на врвниот политичар кој падна во немилост - Бо Силај. Тој е обвинет за злоупотреба на службената положба и поткуп.

Новинската агенција Блумберг во јуни годинава известуваше за милионското богаство на семејството на кинескиот потпретседател Кси Џинпинг, кој во ноември треба да стане нов шеф на партијата, а потоа и претседател на Кина. Оттогаш, во Кина се комплетно блокирани и интернет страниците на Блумберг.