1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

NRS-Import

Пјонгјанг повторно го вознемири светот

Северна Кореја рано утрината ја спроведе најавата за лансирање ракета од голем дострел. САД, ЕУ, Јапонија и Јужна Кореја остро протестираа, а Русија и Кина повикуваат на воздржаност.

default

Неосврнувајќи се на предупредувањата од меѓународната заедница, Северна Кореја лансираше ракета од голем дострел и повторно ги зголеми тензиите во регионот. Ракетата, која ја прелетала Јапонија, навистина пренесувала телекомуникациски сателит, како што тврди Пјонгјанг, меѓутоа како што соопшти американската армија не успеала да стигне до орбитата на Земјата. И покрај тоа САД, Јапонија, Јужна Кореја и ЕУ го осудија лансирањето на северно-корејската ракета од типот „Таеподонг 2“.

„ Екстремно жалиме што Северна Кореја навистина го спроведе ракетниот тест кој го најави. Јапонија ќе вложи остар протест за тоа “, изјави претставникот на јапонската влада, Кавамура.

Nordkorea Raketenstart

Граѓаните на Јужна Кореја на телевизија го проследија лансирањето на северно-корејската ракета

Русија и Кина бараат смиреност од сите страни

Генералниот секретар на ОН, Бан Ки Мун изјави дека лансирањето на ракетата од долг дострел од страна на Северна Кореја не помага во напорети да се обезбеди мир и стабилност во регионот. Тој го повика Пјонгјанг да ги почитува резолуциите на Советот за безбедност на ОН, со кои на Северна Кореја и е забрането да лансира ракети од голем дострел. Русија и Кина апелираа за смиреност и ги повикаа сите страни да се воздржат од активности, кои можеле да предизвикаат ескалација на тензиите на корејскиот полуостров.

Американскиот претседател Барак Обама претпладнево во Прага порача дека Северна Кореја ги прекршила правилата и оти сега е време за остар одговор на меѓународната заедница.

Автор: С.Н/ДВ/АП

Редактор: Жана Ацеска