Путин најави развој на нови видови оружје | Свет | DW | 19.10.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Путин најави развој на нови видови оружје

Владимир Путин во својата политика полага и врз воена сила. Синоќа, одговарајќи на прашања пред тв-камери, тој најави градење на нови атомски ракети. Не беше случајно што и офицери добија шанса да му постават прашања

default

Владимир Путин еднаш годишно на телевизија одговара на прашња од граѓаните

На рускиот претседател му беа презентирани снимки од успешниот тест на интерконтинентална ракета од типот “Топол РС 12 М”, лансирана од базата во Плешетск. Путин упати честитки за успешниот тест и рече: “Ние не посветуваме внимание само на атомската тријада – што значи на стратегиски ракети, военото воздухопловство и атомските подморници – туку и на сосем други видови оружја. Веќе е донесено решение за програмата за вооружување до 2015-та година. Се надевам дека до 2012-та ќе добиеме нова генерација авиони –ловци. Натамошно ќе се развива и ракетната техника – не само Топол со повеќе боеви глави, туку ќе има и сосем нови ракети” – најави рускиот претседател.

Путин овој пат не сакаше да го импресионира само рускиот народ, туку и американскиот. Се обиде да изгради кулиси на закана за да ја одврати Америка од одреден планови, пред се’ од стационирање делови од антиракетниот систем во Полска и Чешка.

Тој постојано ја нагласуваше руската готовност за разговори и, алудирајќи на Иран, ги повика САД да не преземаат непромислени чекори. Каде би воделе тие се покажува и на примерот на Ирак, рече тој: “Тие научија да пукаат, но не знаат да воспостават ред, што е и тешко. Невозможно е да се бориш против еден народ. Русија, за среќа, не е Ирак. Ние имаме доволно можности за да ги штитиме нашите интереси” – рече Владимир Путин.

Кристина Нагел