1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Противниците на Путин се организираат

Руската опозиција се престројува кон координиран настап - со изборот на 45-члено претставничко тело досега расцепканото протестно движење во земјата добива организирани контури.

Руската опозиција првпат избра заедничко тело заради подобро координирање на протестните активности против шефот на Кремљ, Владимир Путин. По тридневното гласање преку интернет, адвокатот и блогер Алексеј Навални доби најголем број гласови, како што соопшти раководителот на Изборната комисија Леонид Волков за опозиционата телевизија Дожд. Во 45-члената координативна комисија се уште и екс-вицепремиерот Борис Немцов, шаховскиот екс-велемајстор Гари Каспаров и еколошката активистка Јевгенија Чиркова, како и други познати политичари. Вкупно за избор беа кандидирани околу 200 владини противници. Новото тело треба да помогне во обединувањето на расцепканата опозиција, во организирањето натамошни протести и да биде партнер во дијалогот со власта. Рускиот претседател Владимир Путин минатите месеци своите противници повеќепати ги критикуваше како хорда интернет корисници без програма и водство.

Гласањето преку интернет беше одложено поради хакерски напад врз интернет страницата во саботата вечерта и се одвиваше до денеска утрото (23.10). Учеството во гласањето од 82 илјади граѓани е значително под очекуваното.