1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Протест за поништување на претседателските избори во Црна Гора

Над пет илјади приврзаници на претседателскиот кандидат Миодраг Лекиќ денеска излегоа на протест во црногорскиот главен град Подгорица барајќи поништување на изборите од 7 април и распишување нови претседателски избори.

Демонстрантите скандираа: „Крадци“ и носеа антивладини транспаренти. Протестот се одржа пред претседателството во центарот на Подгорица под голема полициска заштита. Полицијата соопшти дека на протестниот собир имало околу пет илјади луѓе. Некои од црногорските медиуми во оценката на собирот рекоа дека се пристигнати „најмалку 10.000“ луѓе и дека се очекуваат „неколкупати повеќе“. Протестот беше мирен и траеше час и половина. Демонстрантите носеа транспаренти „Лекиќ - нов претседател“, „Одбрана на нашата победа, одбрана на Црна Гора“ и „Ние не сакаме окови“.

Да денешниот собир беше прочитано барање Собранието на Црна Гора да донесе посебен закон со кој претседателските избори, одржани на седми април, ќе бидат прогласени за неважечки. Потоа, како што е побарано, би требале да се распишат нови претседателски извори.

Filip Vujanovic und Miodrag Lekic

Филип Вујановиќ (лево) и Миодраг Лекиќ (десно)

Според податоците на изборниот штаб на Миодраг Лекиќ тој на изборите добил 50,5 проценти од гласовите, додека за досегашниот претседател Филип Вујановиќ гласале 49,5 отсто. Државната изборна комисија објави дека Вујановиќ добил 51,21 процент од гласовите, а за независниот кандидат Миодраг Лекиќ гласале 48,79 отсто од гласачите.

Лекиќ на протесниот собир рече дека размислувал да го признае изборниот резултат, но дека сепак смета оти на тоа нема право. „На изборите не сум ограбен само јас“, рече тој на протестниот митинг во Подгорица.

Претходно, во најавата на денешниот протест, тој рече дека демонстрацијата ќе биде „надпартиски и граѓански“ собир, но и покрај таквите најави на бината беа присутни лидерите и пратениците од опозицијата. Организатор на протестите е Демократскиот фронт, предводен од Лекиќ, во соработка со опозициската Социјалистичка народна партија и Позитивна Црна Гора.