1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Вести

Предлогот на Ахтисари денеска во Советот за безбедност

Предлог решението за идниот статус на Косово на специјалниот пратеник на ОН, Марти Ахтисари, денеска ќе биде објавен во јавноста и ќе им биде предаден на членките на СБ. Портпаролот на Ахтисари, Реми Дурло изјави дека денеска не се предвидени состаноци на кои би се разгледувал предлогот. 3 април останува како можен датум за средбата. Американскиот државен подсекретар Николас Барнс изјави дека САД го поддржуваат предлогот на Ахтисари за контролирана независност. Високиот преставник на ЕУ Хавиер Солана и генералниот секретар на НАТО Јаап де Хоп Шефер денеска во Брисел изразија задоволство од начинот на кој двете институции соработуваат во покраината.