1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Први консеквенци по изборите

Победничката коалиција „За подобра Македонија“ размислува за состав на влада, а во опозицијата први последици од неуспехот: оставка на лидерката на СДСМ Радмила Шеќеринска. Можни ли се промени и во други партии?

default

Прозивка за одговорност за инцидентите на изборите

По фијаското на предвремените парламентарни избори (01.06.2008), опозицијата останува и без водач, лидерката на СДСМ Радмила Шеќеринска се повлекува по само една година на функцијата.

Radmila Sekerinska von der SDSM Partei in Mazedonien

Радмила Шеќеринска поднесе оставка

„Ако партијата доживее пораз, некој мора да ја понесе одговорноста, сметам дека е најдобро тоа да биде првиот човек, а не да остави партијата да се мачи. Мојата и кариерата на поединци не може да биде поважна од успехот на СДСМ на следните избори“ изјави синоќа Шеќеринска. Со истата логика таа пред две години успеа во барањето и смената на својот претходник Владо Бучковски. Тој во 2006 година исто така ги изгуби парламентарните избори против ВМРО ДПМНЕ и нивниот претседател Никола Груевски.

Ќе следат ли промени и во други партии?

Неизвесно е дали бранот промени ќе зафати и други партии- НСДП на чие чело е Тито Петковски, Либералната на Стојан Андов и партиите од албанскиот блок - ДУИ и ДПА.

По изборните насилства,меѓународните дипломати во Скопје се во офанзива- челниците на ДПА и ДУИ да се повлечат како морален чин по инцидентите на гласачките места. На денот на гласањето се пукаше од Калашникови, се палеа гласачки кутии, се фалсификуваа избирачки документи. Раководствата на ДУИ и ДПА меѓусебно се обвинуваат за инциденти и нерегуларности на изборите. Дипломатите имаат забелешки до МВР за партизираната полиција, која немо ги гледала изборните насилништва и манипулации. Оваа критика практично е адресирана и до владата, како индиректен организатор на изборите.