1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Почна судската процедура по тужбата на Македонија против Грција

Во Хаг денеска се одржа првата официјална средба на македонските и грчките застапници за тужбата што ја поднесе Македонија против Грција пред Меѓународниот суд на правдата поради прекршување на привремената спогодба.

default

Амбасадорот Никола Димитров е козастапник на Македонија во Хаг

Денеска во палатата на Меѓународниот суд на правдата во Хаг, се одржа првата официјална средба на македонските и грчките застапници за тужбата на Македонија против Грција поради прекршување на билатералната Привремена спогодба од 1995 година. На средбата, со која претседаваше претседателот на Судот, Розалин Хигинс, присуствуваа делегации на двете земји, предводени од официјалните застапници на владите во овој процес, како и Регистерот на Судот. Македонската страна беше претставувана од козастапникот, амбасадорот Никола Димитров и хрватскиот професор Будислав Вукас, кој е ад хок судија на Македонија. Застапници на Грција се грчкиот амбасадор во Холандија Констатинос Ралис, амбасадорот Јоргос Савадис и советничката од Министерството за надворешни работи Марија Телалијан. Грчки ад хок судија е професорот по меѓународно право од Атинскиот универзитет Емануел Рукунас.

Internationaler Gerichtshof in Den Haag, Klage

Судница во Меѓународниот суд во Хаг

Двете страни ќе ги презентираат доказите

Според извори од македонската делегација, суштината на денешната средба била во утврдувањето на термините за поднесувањето на аргументите на двете страни, по што ќе следува и нивно јавно презентирање.

Пред формалниот почетокот на можната постапка во судот во Хаг, двете страни ќе ги презентираат доказите кој и зошто ја прекршил привремената спогодба. Се очекува и грчките експерти да изнесат контрааргументи за постапките на владата во Скопје.Доколку се прифати македонската тужба, се очекува процесот да трае најмалку три години. Во јавната дебата по поднесената тужба од страна на Македонија, дел од експертите реагираа дека тоа е процес што ќе трае долго време и дека спорот треба да се решава во ОН. Доколку се прифати македонската тужба, процесот се очекува да трае најмалку три години.

Македонија на 17 ноември годинава поднесе тужба против Грција пред Судот во Хаг поради прекршување на Привремената спогодба од 1995 година со тоа што го попречи упатувањето покана до Македонија за зачленување во НАТО на Самитот во Букурешт. Од Меѓународниот суд на правдата се бара да и’ се наложи на Грција да ги почитува своите правни обврски предвидени во Привремената спогодба, која е правно обврзувачка за двете земји. Инаку, на 11 февруари е закажана нова рунда од македонско-грчките преговори во Њујорк, под посредништво на преговарачот Метју Нимиц.

Аудио и видео прилози на оваа тема