1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Почина патријархот на „ТисенКруп“

Починал патријархот на познатиот концерн „ТисенКруп“, Бертолд Бајц, соопшти денеска претставник на фирмата во Есен. Бајц беше последниот голем менаџер од втората половина на 20-от век во Германија.

Претседателот на Кураториумот на фондацијата Алфред Круп фон Болен унд Халсбах и почесен претседател на Управниот одбор на „ТисенКруп“ починал на возраст од 99 години. Тој со децении не само што придонесуваше за успех на концернот „Круп“ од Есен, а потоа и во сегашниот концерн „ТисенКруп“, кој настана по фузијата со „Тисен“, туку одигра и важна општествена улога.

Тој со години правеше напори за помирување со државите од Источна Европа и со Израел, а остави печат и на економската историја на земјата.

Бајц се смета за една од најзначајните личности од деловниот свет во повоена Германија.

За време на Втората светска војна Бертолд Бајц и неговата сопруга Елзе во Полска спасиле повеќе стотици прогонети Евреи, односно еврејски принудни работници од смрт. Поради тоа Бајц доби бројни награди, меѓу кои лани и наградата за разбирање меѓу народите, Лев-Копелев, а во Израел во 1973 година и почесната титула „Праведни меѓу народите“ од Меморијалниот музеј Јад Вашем.

„За сите кои го познаваа ова е ненадминлива загуба“, соопшти заменикот-претседател на Кураториумот, Рајмар Лист.