1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

Поттик за изградба на гасоводот „Набуко“

Во Будимпешта денеска се одржува конференција за планираната изградба на гасовод од Каспиското Море кон Европа. Овој т.н. „Набуко“ гасовод треба да поминува преку Турција и да ги заобиколи Русија и Украина.

default

Гас до Европа без руско-украински спорови

Гас без руско украинските кавги, чии последици во снабдувањето ги почувствува и Европа, за унгарскиот министер за енергетика Чаба Молнар решението е едноставно:

„’Набуко’ е решението. Би било добро проектот да се забрза по кризата со гасот, тој е стратешки исклучително важен. Да го имаше овој гасовод, немаше да имаме проблеми со снабдувањето.“

Шансите за изградба на „Набуко“ растат

Планираниот гасовод треба да ја снабдува Европа, заобиколувајќи ги Русија и Украина. Унгарската влада се залага за проектот, по спорот со гасот, шансите за негово реализирање се подобри. Дури и оние кои долго и‘ беа верни на Русија, сега го менуваат ставот, како бугарскиот министер за економија Петар Димитров, чија земја беше особено погодена од кризата со гасот:

„Ситуацијата сега е смирена, но економијата доживеа удар. Затоа сме огорчени од она што ни го направија Русија и Украина“.

Во иднина, гас треба да доаѓа од Азербејџан преку нова мрежа кон Европа, преку Турција, Бугарија, Романија, Унгарија и Австрија. Шефот на проектот Рајнхард Мишек е убеден дека условите за изградба се многу поволнии дека во 2013 година ќе стигне гас во Европа од новиот гасовод.

Reinhard Mitschek Direktor des Pipeline-Projekts Nabucco

Рајнхард Мишек, директор на проектот „Набуко“

Многу отворени прашања

Министерката за надворешни работи на ЕУ Бенита Фереро Валднер веќе спроведува кампања во земјите од кои Европа треба да добие гас. Но, проблемите се големи. Се‘ уште нема јасно „да“ од Азербејџан, Таџикистан е незадоволен од планираната траса на гасоводот. Турција ја подвлекува својата важна улога како транзитна земја и согласноста индиректно ја поврзува со напредок во преговорите за членство во ЕУ. Разговорите се политички деликатни, но без алтернатива, предупредува Јанош Кока, шеф на унгарската Комисија за „Набуко“ во парламентот.

„Енергетското снабдување на Унгарија и Европа да се потпира на повеќе столбови, тоа не е само енергетско-политички предизвик, туку и еден од најважните безбедносно-политички проекти на ЕУ.

Од каде ќе доаѓа гасот, се‘ уште е нејасно. Енергетските концерни сакаат да го вклучат и Иран, кој ги има вторите по големина светски резерви. Но, тоа е политички проблематично, неговите претставници не се поканети на средбата во Будимпешта. Постојат и финансиски проблеми: новиот гасовод би чинел околу 8 милијарди евра. Во Будимпешта треба да биде изработен финансиски концепт, а потоа може да почне изградбата, по што ќе требаат неколку години за гасот од каспискиот регион да стигне до Европа.