1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Попоски ќе работи на евроинтеграциите и промоција на земјата

Новиот шеф на македонската дипломатија Никола Попоски денеска ја презеде функцијата од неговиот претходник Антонио Милошоски. Попоски вети напредок во евро-атлантските интеграции на земјата и подобрување на дипломатијата

default

Новиот шеф на македонската дипломатија Никола Попоски

Евроатлантските интеграции, бизнис и туристичка промоција на Република Македонија и унапредување во функционирањето на дипломатската служба се трите клучни приоритети на новиот министер за надворешни работи Никола Попоски, кој денеска ја прeзеде должноста од досегашниот шеф на дипломатијата Антонио Милошоски.

„Во прв ред е напредокот во евроатлантските интеграции. На надворешен план промоцијата на Република Македонија како успешна дестинација за бизнис и за туризам ќе биде дополнителен критериум врз основа на кој ќе може вие да го оцените напредокот кој ќе го оствариме. На внатрешен план ќе бидеме крајно фокусирани на континуирано подобрување во функционирањето на дипломатската служба како гаранција за успехот кој верувам дека ќе го постигнеме“, рече Попоски.

Попоски на министерската функција доаѓа од местото амбасадор во Европската унија. Ќе го замени Антонио Милошоски кој раководеше со ресорот во изминатите 5 години. На примопредавањето, Милошоски истакна оти е сигурен дека Попоски ќе има можност да ги унапреди дополнително сите оние започнати процеси кои што се од интерес за Македонија, а кои што се во тек како проекти на МНР.

По победата на ВМРО-ДПМНЕ на предвремените избори во јуни годинава, Милошоски се повлече од функцијата, цитирајќи семејни причини. Тој беше избран за пратеник во новиот парламентарен состав и е назначен за претседател на собраниската Комисија за надворешна политика.

Автор: БГ/ЖА/миа

Редактор: Жана Ацеска

Аудио и видео прилози на оваа тема