1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Попоски се сретнал со Димас

Македонскиот министер за надворешни работи Никола Попоски, кој престојува во повеќедневна посета на Брисел, вчера (22.03) се сретнал и со неговиот грчки колега Ставрос Димас.

Повеќе детали за кажаното на средбата нема, јавува агенцијата МИА. Попоски, кој во Брисел престојува до недела (25.03), вчера на покана на високата преставничка на Европската унија за надворешна и безбедносна политика Кетрин Ештон, учествуваше на состанокот на министрите за надворешни работи на земјите членки на Унијата и земјите кандидати.

На состанокот, меѓу другото, се дискутирало за актуелните прашања од надворешната политика на ЕУ.

Најавено е дека денеска Попоски ќе се сретне и со министрите за надворешни работи на Шпанија Хозе Гарсија Марфил, на Кипар - Ерато Маркулис и на Србија - Вук Јеремиќ, како и со советникот во Европската служба за надворешна акција и олеснувач во дијалогот меѓу Белград и Приштина - Роберт Купер.

На агендата на министерот е и церемонијата по повод пристапување на Македонија во механзмот и финасискиот инструмент за цивилна заштита на Европската унија, која е организирана од страна на Европската комисија. На церемонијата ќе учествува комесарот Кристалина Георгиева, одговорна за меѓународна соработка, хуманитарна помош и одговор на кризи, како и директорот на Дирекцијата за заштита и спасување Шабан Салиу.

Предвидено е министерот Поповски и комесарот Георгиева да одржат и билатерална средба на која ќе стане збор за соработка во областите од нејзината надлежност како и за европската интеграција на Република Македонија.