1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Попоски бара преговори со ЕУ

Шефот на македонската дипломатија на состанокот со ЕУ-амбасадорите во Скопје апелира за вреднување според заслуги во процесот на евроинтеграции

default

Никола Попоски

Македонскиот министер за надворешни работи Никола Попоски денеска соопшти дека приоритет за земјата е членство во НАТО и во ЕУ.
„Тоа ни дава определена сигурност, им дава позитивен сигнал на инвеститорите и ќе ни овозможи на подолг рок да се справуваме со одредени прашања, и сето тоа без да имаме никакви илузии дека членството решава се’“, изјави Попоски.
Во однос на спорот за името, Попоски оцени дека Грција во моментот „е тотално преплавена со должничката криза“.
„Грција објективно нема никаков интерес да ја држи Македонија надвор од НАТО и од ЕУ, мотивацијата е главно на база на инерција и не можат да излезат од замката во која се навлезени“, смета Попоски.

Тој утрото побара поддршка за што поскоро започнување на пристапните преговори на Македонија со Европската Унија од амбасадорите на земјите-членки унијата во земјата.
Апелираше перспективата за членство во ЕУ за земјите од регионот да се одржува силна, визибилна и кредибилна, посочувајќи дека од суштинско значење за тоа е доследно да се почитува принципот на вреднување според заслуги и на земјите аспиранти кои испорачале напредок во исполнувањето на копенхашките критериуми.

Nikola Gruevski und Stefan Füle in Brüssel

Никола Груевски и Штефан Филе


Осврнувајќи се на најавениот старт на Пристапниот дијалог на високо ниво меѓу Македонија и унијата, Попоски изрази очекување дека тоа ќе го динамизира напредокот на земјата.
“Очекуваме Пристапниот дијалог да ја подигне видливоста на перспективата за членство на Македонија во ЕУ и да придонесе за динамизирање на напредокот на нашата држава во пристапниот процес“, рече Попоски пред амбасадорите.
Пристапниот дијалог во оваа фаза ќе се фокусира на пет тематски области: владеење на правото, реформа на јавната администрација, слобода на изразување и медиуми, реформа на изборниот процес и економски критериуми за функционална пазарна економија. Предвидено е да се одвива на две нивоа – на високо политичко ниво, под ко-претседателство на премиерот Никола Груевски и комесарот Штефан Фуле, како и на експертско ниво.

Автор: СН/макфакс
Редактор: Б.Георгиевски