1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Помошта за Грција ги разединува евро-партнерите

Министрите за финансии од еврозоната не донесоа одлука, која требаше да ја смири нервозата на финансиските пазари. Во неизбежниот нов пакет помош за Грција спорно е учеството на приватните доверители.

default

Без договор за новото спасување на Грција- Од средбата во Брисел на министрите за финансии оид еврозоната

Едно е веќе јасно: првичниот план кај Грција не функционира, земјата и покрај финансиската помош не може сама да излезе од спиралата на долгови и до 2012 година самостојно да земе кредити на пазарот на капитал. Но, прашањето како да реагира Еврогрупата? За нејзиниот претседател, луксембуршкиот премиер Жан Клод Јункер, не смее да постојат табуа:

„Веќе реков дека во игра ќе бидат сите опции“, истакна Јункер.

Германскиот министер за финансии Волфганг Шојбле во Брисел отпатува со сосем конкретни претстави:

„Решавачки важно е зајакнувањето на развојните сили, зашто без нив Грција нема да успее. Се разбира, учеството на приватниот секотор е составен дел на дополнителната програма за помош“, смета Шојбле.

Belgien Brüssel Finanzminister eurogroup Griechenland

Советувањата на министрите за финансии од еврозоната продолжуваат в недела во Луксембург

Спор околу учеството на приватни доверители

Но, синоќа не дојде до компромис, а Шојбле веќе ја наведе спорната точка. Дали приватните доверители, што значи банките и осигурителните компании треба да се откажат од дел од своите побарувања кон Грција? Германците сакаат со тоа да спречат одново целиот товар да падне врз грбот на граѓаните како даночни обврзници. Конкретно, германската влада предлага старите грчки државни обврзници да ги заменат со нови на подолг рок на отплата, што претставува блага форма на преструктуирање на долгот. Но, тоа може да се случи само доброволно, мисли белгискиот министер Дидие Рејндерс.

„Ја сметам за грешка принудата на партнерот, тоа може да предизвика блокирање на кредитите и тешки проблеми за целата еврозона“.

Рејтинг- агенциите имаат преголема моќ?

Неговиот фински колега Јуркли Катаинен признава дека Германците не се осамени во своите барања. Но и тој е загрижен дека блокирањето на кредитите нема да се ограничи само на Грција:

„Поголемиот дел земји навести дека е решавачко некакво учество на приватниот сектор. Но, потенцирам, мора да направиме се‘ за да спречиме натамошна криза. Се работи за деликатна рамнотежа“.

Кај мнозинството во врска со темата блокирање на кредитите очигледно се работи за проценка врз основа на факти: рејтинг-агенциите не треба толку малата неподдршка да ја третираат како ускратување на кредити. Но, се заканува токму тоа, со што рејтинг-агенциите во очите на многумина стануваат оние лошите, зашто наводно располагаат со премногу моќ.

EU Italien Europäische Zentralbank Mario Draghi soll Präsident werden

Идниот претседател на Европската Централна Банка Марио Драги

Притисокот за конкретна акција е голем

Претседателот на италијанската Емисиона бнака Марио Драги, кој е номиниран за нов шеф на Европската централна бнака, ја застапува класичната позиција на оваа европска институција. Европската централна банка отфрла сценарија за преструктуирање на долгот. Драги ги предупреди европолитичарите на консеквенците:

„Ако постојат загуби, мора да учествуваат националните централни банки, но сите актери мора да бидат свесни дека ќе има последици и потоа, по банкротот. Грчките банки по него ќе мора да бидат рекапитализирани, значи, мора да бидеме свесни за трошоците, а дали сме подготвени за тоа ?“.

Прашањето звучи реторички, но притисокот за конкретна акција е голем. Со секој ден неизвесност расте ризикот. Најдоцна до 23 и 24 јуни, до самитот на ЕУ, мора да биде јасно како Унијата ќе се справи со досега најтешката криза.

Автор: Кристоф Хаселбах

Редактор: Симе Недевски

DW.COM

Поврзана содржина