1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Полицијата трага по напаѓачот на војникот во Париз

Неколку денови по смртоносниот напад во Лондон војник повторно беше цел на напад, овојпат во Париз. Осомничениот сторител е во бегство.

Три дена по смртоносниот напад на осомничени исламисти врз британски војник во Лондон, во Париз на улица е нападнат војник. Непознат сторител вчера го нападна 23 годишниот војник на улица, кој е тешко повреден на вратот откако напаѓачот со нож му се приближил одзади. Напаѓачот е во бегство, соопшти полицијата. Војникот загубил големо количество крв, но не бил во животна опасност. Според локалниот државен обвинител Роберт Жели истрагата ја презела анти-терористичката единица.

Во моментот кога бил нападнат, војникот заедно со двајца колеги од анти-терористичката програма во униформа и вооружени патролирале во западниот дел на Париз, во Франција вообичаена постапка. Таму е секојдневие анти-терористичката одбрана да испраќа војници на местата каде постои голема фреквенција.

Сторителот најверојатно потекнува од Африка

Портпарол на синдикатот на полицијата соопшти дека напаѓачот бил снимен на една од камерите за надгледување. Според тие снимки станувало збор за маж на возраст од околу 35 години, кој носел брада и најверојатно потекнува од Африка.

Претседателот на Франција Франсоа Оланд за време на неговиот престој во Етиопија изјави дека причините за нападот се нејасни и дека истрагата се води во сите правци. Министерот за внатрешни работи Мануел Валс укажа на паралелите со лондонскиот случај, но предупреди да не се изведуваат избрзани заклучоци. „Се полага се' за да се упаси сторителот“.

Натамошни апсења во Лондон

Во Лондон мината среда двајца Британци со нигеријанско потекло брутално убија војник, по што на минувачите им говореа дека тоа било одмазда за да се исплатат делата на британските војници во муслиманските земји. Тие беа на местото на злосторството уапсени од полицијата. Поради сомневање за поврзаност со делото во меѓувреме се притворени осум осомничени лица.