Позитивни сигнали од Блискиот Исток | Свет | DW | 25.12.2006
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Позитивни сигнали од Блискиот Исток

Израелската влада најавува одмрзнување на дел од палестинските финансии и ослободување на палестински затвореници.

Абас и Олмерт

Абас и Олмерт

По срдечната средба на палестинскиот претседател Абас и израелскиот премиер Олмерт, израелската влада ја разгледува можноста да им ослободи стотина милиони долари на Палестинците кои директно треба да ги добие палестинскиот народ, а како гест на добра воља за примирјето да се ослободат и дел од палестинските затвореници. Мири Елсин, портпаролот на израелската влада појасни дека парите нема да ги добие владата на Хамас, туку населението:

“Фактот дека имавте избори не значи дека Палестинците имаат демократска влада. Знаете дека така мисли секоја демократска држава. Имате влада која не сака да соработува со меѓународната заедница и која не го признава израел. Тие одбиваат да ги спроведар договорите меѓу Израел и претходните палестински власти. Меѓународната заедница веднаш по доаѓањето на власт на Хамас постави правила дека нема финансии за нив. Израел игра по тие правила и ви вела владата на Хамас нема да добие пари”.

Израелскиот премиер Олмерт потврди дека во наредните денови ќе има нов состанок на кој ќе се разгледа можноста за ослободување палестински затвореници и тоа пред муслиманскиот празник Ел Адха кој почнува меѓу 31 декември и 2 јануари.

И близок соработник на палестинскиот претседател Абас изјави дека средбата меѓу Олмерт и Абас е прва од низата и дека на средбата биле постигнати договори по неколку прашања.Но, Набил Абу Рдаин не сакаше да дава други детали.

ЕУ ги поздрави овие вести и најави целосна поддршка на процесот.