1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

„Под исто сонце“

Во Струга се одржа мултиетнички хепенинг. Околу 2000 претставници на невладиниот сектор од сите етнички заедници во Македонија порачаа „Живееме во мултиетничка средина и сме граѓани со еднакви права, можности и заштита.“

default

Струга беше домаќин на вториот мултиетнички хепенинг

За Македонија мултиетничноста не е ништо ново Во ова време на отуѓеност се раѓа потребата од отворена комуникација и искреност во приодот. Владимир Милчин , првиот човек на Институтот отворено општество со радост зборува за хепенингот како начин да се види што работи оној другиот и да се срушат сите предрасуди:

„На претходниот хепенинг во Скопје, прв пат се сретнаа Македонци од Струмица и Албанци од Струга и од Кичево. Ова е еден начин , просто да се поминат извесен број километри за да се соочиш со тоа дека тој другиот не ти е непријател,туку дека и тој свири, пее и танцува и рецитира и дека у тој е љубопитен да види што прават другите. Дека ова моето е убаво , што не значи дека туѓото не е убаво. Нашите млади ги трујат дека само едното, своето, е убаво, но не е така. Светот е полн со убави работи, а и Македонија е полна со убави работи. “

Постојат многу заеднички нешта

Гоце од Кратово, Кујтим од Охрид и Сања од Тетово со својата искреност само потврдуваат дека луѓето сакаат исти нешта:

„Сите овие настапи на различните етнички заедници од фолклорот што го презентираа и тоа што може да се види на штандовите, навистина се гледа дека Македонија е богата на овој план. “

„ Сите се организираа добро. Ова е нешто оригинално на целиот Балкан.“

„Најдобро е да се дружиме со сите без разлика на вера, боја и националност. Нема ништо поубаво од дружење.“

Проблемот е кај политичарите

Schule Niko Nestor

Училиштето „Нико Нестор“, за проблемите не се виновни учениците, туку политичарите

Беа одржани и две панел дискусии. Сегрегацијата во образованието по Куманово, Скопје и Тетово, сега дојде во Струга. Политичкиот аналитичар Мерсeл Биљали рече :

„ Не дека власта нема решение, туку не сака решение. А како можеле учениците со години да живеат и учат заедно, а сега не можат? Проблемот не е кај учениците, туку кај политичарите. Политичарите отвораат нивни средни приватни училишта. Со тоа практично играат валкана игра. Тоа е на штета и на граѓаните и на државата. Сегрегацијата е решение кога луѓето објективно не се поднесуваат, поради некои дивиргенти во културата. Овде не е така. Некој вештачки го наметнува конфликтот. Излегува дека треба да се сегрегира власта, а не ученците. “

Дел од учесниците на хепенингот бараа одговор на прашањето: Дали Охридскиот рамковен договор донесе подобрување на меѓуетничките односи.? Потенцирајќи дека процентот на оние кои го поддржуваат договорот кај Македонците и Албанците сега е поголем , отколку пред 8 години кога и беше потпишан, пратеникот Џеват Адеми заклучи :

„Охридскиот рамковен договор се‘ уште нема алтернатива во Македонија. Целата меѓународна заедница присутна во Македонија , сите наши пријатели и спонзори, се согласни: Охридскиот рамковен договор е филозофијата на државата Македонија. “

Универзитетскиот професор Рената Дескоска Рамковниот договор го спореди со градењето куќа :

„За мене Охридскиот рамковен догвор е темелот на една куќа . Мислам дека е несериозно кога сте ја подигнале куќата да речете, сега не ми се допаѓа, ајде одново. Тоа е трошење време, пари, се‘. Ако сме поставиле темели и ако сме се договориле дека тоа треба да биде тоа што ни треба, ќе треба да се приспособиме. Ако нон – стоп почнуваме одново, мислам дека тоа штетно ќе се одрази и врз меѓу етничките односи.“

Хепенингот втор по ред беше во организација на Институтот отворено општество, поддржан од Европската унија.


Автор: Милчо Јованоски

Редактор: Жана Ацеска