1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Поддршка за Македонија од американски сенатори и конгресмени

Македонија заслужува да биде членка на НАТО, изјави американскиот конгресмен Роберт Адерхолт од Републиканската партија, по синоќешната средба во Вашингтон со македонскиот министер за одбрана Зоран Коњановски.

default

Македонскиот министер за одбрана во Вашингтон имаше повеќе средби, како таа со сенаторот Патрик Леахи

Адерхолт беше еден од иницијаторите на писмото за поддршка на Македонија за влез во НАТО, потпишано од 19 конгресмени, што во петокот (01.10.2010) беше испратено до американскиот претседател Барак Обама и други официјални претставници на САД. 

Конгресменот Адерхолт рече дека многу е важно да се знае за придонесот што Македонија го дава не само во Авганистан, туку и за ширење на демократијата и слободата.

Treffen der Verteidigungsminister von Mazedonien und den USA

Коњановски се сретна и со американскиот колега по функција, Роберт Гејтс

Коњановски во рамките на посетата на САД оствари средба и со сенаторот Патрик Леахи, кој поднесе Резолуција за Македонија во Сенатот. Сенаторот од Вермонт Леахи му ја предаде Резолуцијата на министерот Коњановски и притоа истакна дека поддршката од САД и од него, како сенатор е јасна и недвосмислена и оти Република Македонија треба да биде вреднувана во согласност со сето она што го има направено изминатиот период. Тој посебно се осврна на македонското учество во мировните мисии и улогата што ја има во нив.

Министерот за одбрана се сретна и со помошникот - државен секретар во Бирото за Воено - политички прашања на Стејт Департментот Анрев Шапиро и имаше работен ручек со претставници на администрацијата од Стејт департментот и Пентагон. 

Автор: ЖА/БГ/миа

Редактор: Елизабета Милошевска Фиданоска